Ashok Gajapati Raju: జగన్‌రెడ్డి ప్రజాస్వామ్యాన్ని అపహాస్యం చేస్తున్నారు

విజయనగరం: జగన్‌రెడ్డి(Jagan Reddy) ప్రజాస్వామ్యాన్ని అపహాస్యం చేస్తున్నారని తెలుగుదేశం పార్టీ సీనియర్ నేత అశోక్ గజపతిరాజు(Ashok Gajapati Raju) వ్యాఖ్యానించారు. సముద్ర తీరంలో ఐ యామ్ విత్ సీబీఎన్ కార్యక్రమం శనివారం నాడు నిర్వహించారు. ఈసందర్భంగా ఆయన మీడియాతో మాట్లాడుతూ...‘‘ జగన్‌రెడ్డి ప్రశాంతంగా ఉన్న ఏపీలో అలజడులు సృష్టిస్తున్నారు. మీరు నేరం చేయలేదు, మీరు బాధపడకూడదని మెజిస్ట్రేట్ బోధిస్తున్నారు. ఇది గమ్మత్తైన విషయం. అహ్మదాబాద్‌లో బ్రిటీష్ జడ్జి గాంధీతో అన్నమాటలు ఇప్పుడు గుర్తొస్తున్నాయి. మిమ్మలను జైలుకి పంపిస్తున్నాం, మిమ్మలని విడిచిపెట్టిన నాడు నాకంటే ఎక్కువ సంతోషించిన వారు మరెవ్వరూ ఉండరు. అనే బ్రిటీష్ జడ్జి మాటలు గుర్తొస్తున్నాయి. వైసీపీ ప్రభుత్వం వచ్చిన దగ్గరి నుంచి తెలుగుదేశం నేతలపై అక్రమ కేసులు పెడుతున్నారు. రాజకీయ కక్షలతో చంద్రబాబుపై అక్రమ కేసులు పెట్టారు. రాబోచే ఎన్నికల్లో టీడీపీ అధికారంలోకి రావడం ఖాయం. ప్రజలు జగన్ పాలనకు చరమగీతం పాడేందుకు సిద్ధంగా ఉన్నారు. తెలుగుదేశం పార్టీ నేతలు ఏ కార్యక్రమం చేసినా అరెస్టు చేస్తున్నారు’’ అని వైసీపీ ప్రభుత్వం సీఎం జగన్‌రెడ్డిపై అశోక్ గజపతిరాజు తీవ్ర స్థాయిలో ఆగ్రహం వ్యక్తం చేశారు.