Bandi Sanjay: కేటీఆర్‌కు బండి సంజయ్ స్ట్రాంగ్ కౌంటర్
ABN , Publish Date - Jul 11 , 2024 | 07:07 PM
కేంద్రమంత్రి బండి సంజయ్ కుమార్‌కు (Bandi Sanjay) మాజీ మంత్రి కేటీఆర్ (KTR) బహిరంగ లేఖ రాసిన విషయం తెలిసిందే. అయితే కేటీఆర్‌కు బండి సంజయ్ కౌంటర్ ఇచ్చారు.
కరీంనగర్: కేంద్రమంత్రి బండి సంజయ్ కుమార్‌కు (Bandi Sanjay) మాజీ మంత్రి కేటీఆర్ (KTR) బహిరంగ లేఖ రాసిన విషయం తెలిసిందే. అయితే కేటీఆర్‌కు బండి సంజయ్ కౌంటర్ ఇచ్చారు.
నేతన్నలు ఇన్నాళ్లకు గుర్తొచ్చారా?
‘‘కేటీఆర్ @అజయ్ రావుగారు....నేతన్నలు ఇన్నాళ్లకు గుర్తొచ్చారా? పదేళ్లు రాష్ట్రాన్ని పాలించింది మీరే కదా? సిరిసిల్లకు 15 ఏళ్లుగా మీరే ప్రాతినిధ్యం వహించారు కదా..? మీ హయాంలోనూ నేతన్నల ఆకలి చావులు కొనసాగాయి. మీరెందుకు నేతన్నలను సంక్షోభం నుంచి గట్టెక్కించలేకపోయారు? ‘బతుకమ్మ’ బకాయిలు చెల్లించకుండా పవర్ లూం సంస్థలు మూతపడేలా చేసింది మీరే కదా? ప్రధానమంత్రి తెలంగాణకు మెగా టెక్స్‌టైల్ పార్క్‌ను ప్రకటించినప్పుడు... మీకు సిరిసిల్ల గుర్తుకు రాలేదా? సిరిసిల్ల నేతన్నలను సంక్షోభం నుంచి గట్టెక్కించేందుకు శాయశక్తులా ప్రయత్నిస్తా. కరీంనగర్ ఎంపీగా నా బాధ్యత కూడా’’ అని బండి సంజయ్ పేర్కొన్నారు.
