Live
TV
దొరికిన పర్సును మహిళకు తిరిగిచ్చిన హోంగార్డు
ABN , First Publish Date - 2021-02-20T14:19:15+05:30 IST
ద్విచక్ర వాహనంపై వెళ్తూ చేతిపర్సును పోగొట్టుకున్న
హైదరాబాద్/ఖైరతాబాద్‌ : ద్విచక్ర వాహనంపై వెళ్తూ చేతిపర్సును పోగొట్టుకున్న మహిళకు సమాచారం అందించి, పర్సును తిరిగి ఇచ్చాడు ఓ హోంగార్డు. వివరాల ప్రకారం.. మానస అనే మహిళ శుక్రవారం ఉదయం నాంపల్లి నుంచి పంజాగుట్ట వైపునకు వెళ్తోంది. రవీంద్రభారతి వద్ద ఆమె చేతిలోని పర్సు రోడ్డుపై పడిపోయింది. అందులో రూ.8వేలు, సామ్‌సంగ్‌ మొబైల్‌ ఫోన్‌తోపాటు బ్యాంకు కార్డులు ఉన్నాయి. రోడ్డుపై పడ్డ పర్సును అక్కడే విధులు నిర్వహిస్తున్న హోంగార్డు వెంకటేశ్వర్లు(4903) గమనించి అధికారులకు సమాచారం ఇచ్చాడు. వారి సూచన మేరకు పర్సులో ఉన్న ఫోన్ నెంబర్‌ ఆధారంగా మహిళకు ఫోన్ చేసి పర్సును తిరిగి ఇచ్చేశాడు. నిజాయితీని చాటుకున్న హోంగార్డు వెంకటేశ్వర్లును సీఐ రాంచందర్‌, అధికారులు అభినందించారు.
