AP News: సీఎం జగన్ సొంత జిల్లా కడపలో సర్పంచ్‌ల నిరసన
ABN, First Publish Date - 2022-11-07T16:09:44+05:30
అమరావతి: ముఖ్యమంత్రి జగన్ రెడ్డికి సొంత జిల్లాలో సర్పంచ్‌లు షాక్ ఇచ్చారు. వైసీపీ ప్రభుత్వానికి వ్యతిరేకంగా సర్పంచ్‌లు ర్యాలీ చేశారు.
అమరావతి: ముఖ్యమంత్రి జగన్ రెడ్డికి సొంత జిల్లాలో సర్పంచ్‌లు షాక్ ఇచ్చారు. వైసీపీ ప్రభుత్వానికి వ్యతిరేకంగా సర్పంచ్‌లు ర్యాలీ చేశారు. కడప ఏడు రోడ్ల కూడలి నుంచి కలెక్టర్ కార్యాలయం వరకు
ర్యాలీ నిర్వహించారు. ఇప్పటికైనా స్పందించి సర్పంచ్‌ల ఖాతాలో నిధులు వేయాలని సూచించారు. అలా చేయని పక్షంలో నిరసనలు ఉధృతం చేస్తామని హెచ్చరించారు. రెండేళ్ల నుంచి నిధులు లేక గ్రామ పంచాయతీలు తీవ్ర ఇబ్బందులు పడుతున్నాయన్నారు. వైసీపీ ప్రభుత్వం వచ్చిన దగ్గర నుంచి సర్పంచ్‌లు, పంచాయతీలకు డబ్బులు ఇవ్వడంలేదని ఆరోపించారు. పంచాయతీ వ్యవస్థను పూర్తిగా నిర్వీర్యం చేయడానికి ఈ ప్రభుత్వం కుట్ర చేస్తోందని, ఇప్పటికైన సీఎం జగన్ స్పందించి నిధులు విడుదల చేయాలని డిమాండ్ చేశారు.
Updated Date - 2022-11-07T16:09:47+05:30 IST