అనుమతి లేకుండా ఆందోళనలు చేపట్టవద్దు
ABN, First Publish Date - 2022-11-07T00:22:01+05:30
ప్రధానమంత్రి నరేంద్ర మోదీ పర్యటన నేపథ్యంలో ఎటువంటి ఆందోళనలు, నిరసన కార్యక్రమాలను అనుమతి లేకుండా చేపట్టరాదని క్రైమ్ ఏడీసీపీ జి.గంగాధరం స్పష్టం చేశారు.
ఉక్కు పరిరక్షణ పోరాట కమిటీ నాయకులకు సూచించిన క్రైమ్ ఏడీసీపీ గంగాధరం
ఉక్కుటౌన్‌షిప్‌, నవంబరు 6: ప్రధానమంత్రి నరేంద్ర మోదీ పర్యటన నేపథ్యంలో ఎటువంటి ఆందోళనలు, నిరసన కార్యక్రమాలను అనుమతి లేకుండా చేపట్టరాదని క్రైమ్ ఏడీసీపీ జి.గంగాధరం స్పష్టం చేశారు. ఆదివారం ఆయన ఉక్కు పరిరక్షణ పోరాట కమిటీ నాయకులతో స్టీల్‌ ప్లాంట్‌ పోలీస్‌ స్టేషన్‌లో సమావేశమయ్యారు. ఈ సందర్భంగా గంగాధరం మాట్లాడుతూ ఈ నెల 12న ప్రధాని పర్యటన ముగిసేంత వరకు ఏ కార్యక్రమం చేపట్టాలన్నా ముందస్తు అనుమతి తప్పనిసరిగా తీసుకోవాలన్నారు. శాంతిభద్రతల పరిరక్షణ నిమిత్తం పోలీసుల నియమ, నిబంధనలను తప్పకుండా పాటించాలని సూచించారు. ఎవరైనా నిబంధనలను అతిక్రమిస్తే చట్టపరంగా తగిన చర్యలు తీసుకుంటామని ఏడీసీపీ హెచ్చరించారు. ఈ సమావేశంలో సీఐ వి.శ్రీనివాసరావు, ఉక్కు పరిరక్షణ పోరాట కమిటీ నాయకులు పాల్గొన్నారు.
Updated Date - 2022-11-07T00:22:01+05:30 IST