Jio Happy New Year 2023: హ్యాపీ న్యూ ఇయర్ ప్లాన్‌ను లాంచ్ చేసిన జియో
ABN, First Publish Date - 2022-12-23T21:35:53+05:30
రిలయన్స్ జియో మరో గుడ్‌న్యూస్‌తో వచ్చేసింది. మరికొన్ని రోజుల్లో కొత్త సంవత్సరంలోకి
న్యూఢిల్లీ: రిలయన్స్ జియో మరో గుడ్‌న్యూస్‌తో వచ్చేసింది. మరికొన్ని రోజుల్లో కొత్త సంవత్సరంలోకి అడుగుపెడుతున్న వేళ ‘హ్యాపీ న్యూ ఇయర్ 2023’(Happy New Year 2023) ఆఫర్‌ను ప్రకటించింది. నిజానికి జియో (Jio) ఇలా న్యూ ఇయర్ ప్లాన్లు ప్రకటించడం కొత్తేమీ కాదు. ప్రతి ఏడాది ప్రకటిస్తూనేఉంది. తాజా ప్లాన్ విలువ రూ. 2023. కాలపరిమితి 252 రోజులు. అపరిమిత కాలింగ్‌తోపాటు హైస్పీడ్ డేటా లభిస్తుంది. జియో అధికారిక వెబ్‌సైట్ (Jio.com)లో ఇప్పుడిది అందుబాటులో ఉంది. యూజర్లు ‘మై జియో’ యాప్ ద్వారా కానీ, లేదంటే థర్డ్ పార్టీ మొబైల్ రీచార్జ్ ప్లాట్‌ఫామ్స్ అయిన గూగుల్ పే, ఫోన్ పే వంటి వాటి ద్వారా కూడా రీచార్జ్ చేసుకోవచ్చు.
ప్లాన్ ప్రయోజనాలు ఇలా..
రూ.2023 ప్లాన్ కాలపరిమితి 252 రోజులు. 9 నెలలపాటు అపరిమిత కాలింగ్, రోజుకు 2.5 జీబీ డేటా లభిస్తుంది. అంటే మొత్తంగా 630 జీబీ డేటా లభిస్తుంది. అలాగే, జియో యాప్స్ సబ్‌స్క్రిప్షన్, రోజుకు 100 ఎస్సెమ్మెస్‌లు లభిస్తాయి. కొత్త చందాదారులకు ప్రైమ్ మెంబర్‌షిప్ కూడా అందిస్తోంది.
న్యూ ఇయర్ ప్లాన్‌తోపాటు ఇప్పటికే ఉన్న రూ. 2999 ప్లాన్‌కు మరిన్ని అదనపు ప్రయోజనాలు జోడించింది. ప్రస్తుతం ఆఫర్లతోపాటు 75 జీబీ అదనపు డేటా, 23 రోజుల అదనపు వ్యాలిడిటీ అందిస్తోంది. ఈ ప్లాన్ కాలపరిమితి 365 రోజులు, మొత్తంగా 912.5జీబీ డేటా లభిస్తుంది. అంటే రోజుకు 2.5 జీబీ హైస్పీడ్ డేటా లభిస్తుందన్నమాట. అలాగే, అపరిమిత కాలింగ్, రోజుకు 100 ఎస్సెమ్మెస్‌లు, జియో యాప్స్ సబ్‌స్క్రిప్షన్ లభిస్తుంది.
Updated Date - 2022-12-23T21:35:54+05:30 IST