NRI: అమెరికాలో అగ్నిప్రమాదం.. భారత సంతతి మహిళా వ్యాపారవేత్త దుర్మరణం..
ABN, First Publish Date - 2022-12-18T23:06:46+05:30
న్యూయార్క్ రాష్ట్రంలో జరిగిన ఓ అగ్ని ప్రమాదంలో భారత సంతతికి చెందిన మహిళా వ్యాపారవేత్త తాన్యా బథీజా(32) దుర్మరణం చెందారు.
ఎన్నారై డెస్క్: న్యూయార్క్ రాష్ట్రంలో(Newyork) జరిగిన ఓ అగ్ని ప్రమాదంలో భారత సంతతికి చెందిన మహిళా వ్యాపారవేత్త తాన్యా బథీజా(Tanya Bathija, 32) దుర్మరణం చెందారు. మంటల్లోపడి ఆమె పెంపుడు కుక్క కూడా చనిపోయింది. లాంగ్ ఐల్యాండ్‌లోని(Long Island) డిక్స్ హిల్స్ ప్రాంతంలోగల ఆమె నివాసంలో డిసెంబర్ 14న ఈ ప్రమాదం జరిగింది. తెల్లవారుజామున సుమారు 3.00 గంటల సమయంలో తాన్యా ఇంట్లో మంటలను(House Fire) చూసి ఆమె తండ్రి పోలీసులకు సమాచారం అందించారు. అయితే.. అప్పటికే అగ్నికీలలు చెలరేగుతుండటంతో అక్కడికి చేరుకున్న పోలీసులకు వారిని కాపాడటం సాధ్యపడలేదు. అగ్నిమాపక సిబ్బంది మంటలను అదుపు చేసేలోపే తాన్యా మరణించారు. ఈ ఘటన వెనుక ఎటువంటి నేరపూరిత కుట్ర లేదని పోలీసుల నిర్ధారించారు. తాన్యా తండ్రి కూడా వ్యాపారవేత్త. స్థానిక భారతీయుల్లో ప్రముఖుడు. తాన్యా అకౌంటింగ్ అండ్ ఫైనాన్సింగ్‌లో ఎంబీఏ చేశారు. ఆ తరువాత..ఆమె వ్యాపారవేత్తగా పలు విజయాలు సాధించారు.
Updated Date - 2022-12-18T23:58:52+05:30 IST