Bala Krishna: కైకాల సేవలు మరువలేనివి
ABN, First Publish Date - 2022-12-23T10:07:31+05:30
విలక్షణ నటుడు కైకాల సత్యనారాయణ (Kaikala Satyanarayana) మృతితో టాలీవుడ్‌లో విషాదం నెలకొంది. ఆయన మరణ వార్త విన్న ఎంతోమంది సినీ ప్రముఖులు ఫిల్మ్ నగర్‌‌లోని ఆయన నివాసంలో ఆయన పార్థివ దేహానికి నివాళి అర్పిస్తున్నారు.
విలక్షణ నటుడు కైకాల సత్యనారాయణ (Kaikala Satyanarayana) మృతితో టాలీవుడ్‌లో విషాదం నెలకొంది. ఆయన మరణ వార్త విన్న ఎంతోమంది సినీ ప్రముఖులు ఫిల్మ్ నగర్‌‌లోని ఆయన నివాసంలో ఆయన పార్థివ దేహానికి నివాళి అర్పిస్తున్నారు. మరికొందరు కూడా సోషల్ మీడియా వేదికగా సంతాపం తెలియజేస్తున్నారు. టాలీవుడ్ సీనియర్ నటుడు, రాజకీయ నాయకులు నందమూరి బాలకృష్ణ (Bala Krishna)ప్రగాఢ సానుభూతి వ్యక్తం చేశారు.
‘‘కైకాల సత్యనారాయణ గారి మరణం దిగ్భ్రాంతి కలిగించింది. కైకాల సత్యనారాయణ గారు ఆరు దశాబ్దాలు పాటు తెలుగు సినిమా రంగంలో పౌరాణిక, సాంఘిక, చారిత్రక, జానపద పాత్రల్లో నవరస నటనా సార్వభౌముడిగా తన వైవిధ్యమైన నటనతో అలరించారు. మా కుటుంబంతో కైకాల సత్యనారాయణ గారికి స్నేహ సంబంధాలు ఉన్నాయి. నాన్నగారితో కలిసి ఎన్నో సినిమాల కోసం పనిచేశారు. నా చిత్రాల్లో కూడా మంచి పాత్రలు పోషించారు. మంచి నటుడిగానే కాకుండా పార్లమెంట్ సభ్యునిగా తనదైన ముద్ర వేశారు. సినీ జీవితంలోనూ, ప్రజా జీవితంలోనూ ఎంతో బాధ్యతాయుతంగా ఆయన అందించిన సేవలు మరువలేనివి. ఈ రోజు ఆయన మన మధ్య లేకపోవడం ఎంతో దురదృష్టకరం. ఆయన పవిత్ర ఆత్మకు శాంతి చేకూరాలని కోరుకుంటూ వారి కుటుంబసభ్యులకు నా ప్రగాఢ సానుభూతి తెలియజేస్తున్నాను’’ అని బాలకృష్ణ పేర్కొన్నారు.
Updated Date - 2022-12-23T10:07:32+05:30 IST