You tube: ఉద్యోగం వదిలేసి మరీ యూట్యూబ్ వెంట పడ్డాడు.. చివరికి ఏమయిందంటే..
ABN, First Publish Date - 2022-12-15T12:33:12+05:30
ఉన్న ఉద్యోగం వదిలేయగానే అతని తల్లిదండ్రుల పరిస్థితి..
అతని తల్లికి ఆరోగ్యం దెబ్బతిని మంచాన పడింది. అతని తండ్రి భార్యను చూసుకుంటూ ఇంటిపట్టునే ఉండిపోయాడు. ఇల్లు గడవడం కోసం అప్పులు చేయడం మొదలుపెట్టారు. అప్పులన్నీ పెరిగిపోయి 40లక్షలు అయ్యాయి. గ్రాడ్యుయేషన్ కాగానే ఓ కంపెనీలో ఉద్యోగంలో చేరాడు.. కానీ అతన్ని యూట్యూబ్ ఆకర్షించింది. ఉద్యోగం వదిలేసి మరీ యూట్యూబ్ నే లోకంగా మార్చుకున్నాడు. ఇతని గురించి వివరాలు తెలుసుకుంటే..
బ్రిటన్ దేశానికి చెందిన అర్జున్ యోగాన్ తల్లిదండ్రులు ఇద్దరూ ఇంటి పట్టునే ఉండిపోవడంతో అప్పులు చేసి ఇంటిని నెట్టుకొచ్చారు. ఈ క్రమంలో అర్జున్ గ్రాడ్యుయేట్ పూర్తవగానే ఒక భీమా కంపెనీలో ఉద్యోగం వచ్చింది. అతను ఓ సంవత్సరం పాటు ఆ ఉద్యోగం చేసాడు. అయితే అతనికి ఒక హాబీ ఉంది. యామినేషన్ అంటే అతనికి చిన్నప్పటినుండి ఇష్టం. చిన్నప్పుడే కొన్ని యానిమేషన్ బొమ్మలను గీసుకునేవాడు. ఆ ఆసక్తి కారణంగా తన గ్రాడ్యుయేషన్ సమయలంలో కాలేజి అవ్వగానే మిగిలిన సమయంలో యామినేషన్ వీడియోలు క్రియేట్ చేసేవాడు. వాటిని యూట్వూబ్ లో అప్లోడ్ చేసేవాడు. దీనివల్ల అతనికి సబ్స్క్రైబర్స్ బానే వచ్చారు, అలాగే ఇతని వీడియోస్ కు కూడా వీవ్స్ బానే వచ్చేవి.
గ్రాడ్యుయేషన్ తరువాత సంవత్సరం పాటు ఉద్యోగం చేసాక గమనించుకుంటే అతనికి తన ఉద్యోగం ద్వారా వచ్చే సాలరీ, యూట్యూబ్ ద్వారా వస్తున్న ఆదాయం దాదాపు సమానంగా ఉన్నాయని అర్థమైంది. అంతే తన ఉద్యోగం వదిలేసి ఫుల్ టైం యూట్యూబ్ వీడియోస్ చేయడానికి సమయాన్ని వెచ్చించాడు. దీని ఫలితంగా అతనికి యూట్యూబ్ లో సబ్స్క్రైబర్స్ 8లక్షలకు పెరిగారు, అతని వీడియోస్ కు సుమారు మూడుకోట్ల వీవ్స్ వచ్చాయి. వీటి వల్ల అతనికి యూట్యూబ్ నుండి ఊహించనంత ఆదాయం రావడం ప్రారంభమయింది. దాంతో తల్లిదండ్రులు చేసిన 40లక్షల అప్పు తీర్చేసాడు. తల్లికి వైద్యం చేయించాడు, సౌత్ లండన్ లో డబుల్ బెడ్ రూమ్ ఇల్లు కొన్నాడు, డబ్య్లూబియం కారులో తిరుగుతున్నాడు. ప్రస్తుతం ఇతను నెలకు కోటి రూపాయల పైనే యూట్యూబ్ నుండి ఆదాయం పొందుతున్నాడట.
ఇతని గురించి తెలిసినవారు మనిషి తనలో ప్రతిభకు తగిన మార్గాన్ని ఎంచుకుంటే సక్సెస్ అవుతారనడానికి అర్జునే మంచి ఉదాహరణ అంటున్నారు. సంపాదించడానికి మార్గాలు లేవని అనుకోవడం మన భ్రమ మాత్రమే... ప్రస్తుతం అభివృద్ది చెందుతున్న ప్రపంచంలో సంపాదనా మార్గాలు కూడా బాగానే ఉన్నాయి.
Updated Date - 2022-12-15T12:33:22+05:30 IST