Ramakrishna Math: శుభవార్త.. పుస్తకాలపై 40 శాతం డిస్కౌంట్
ABN, First Publish Date - 2022-12-11T20:32:28+05:30
దివ్యజనని శ్రీ శారదా(Sarada) దేవి 170వ జయంతి సందర్భంగా డిసెంబర్ 15న హైదరాబాద్ రామకృష్ణ మఠం(Ramakrishna Math) లో పుస్తకాలపై 40 శాతం డిస్కౌంట్ లభించనుంది.
హైదరాబాద్: దివ్యజనని శ్రీ శారదా(Sarada) దేవి 170వ జయంతి సందర్భంగా డిసెంబర్ 15న హైదరాబాద్ రామకృష్ణ మఠం(Ramakrishna Math) లో పుస్తకాలపై 40 శాతం డిస్కౌంట్ లభించనుంది. స్వామి వివేకానంద (Swami Vivekananda) సాహిత్యంతో పాటు అనేక పుస్తకాలపై ఈ డిస్కౌంట్ అందుబాటులో ఉంటుందని రామకృష్ణ మఠం ప్రతినిధులు తెలిపారు.
ఉదయం ఐదున్నరకు సుప్రభాతం, మంగళారతి, భజనలుంటాయి. ఆరున్నర గంటలకు దేవాలయ ప్రదక్షిణం ఉంటుంది. ఏడు గంటలకు విశేష పూజ, లలితా సహస్రనామ పారాయణం, భజనలు ఉంటాయి. పదిన్నరకు హోమం నిర్వహిస్తారు. పదకొండున్నరకు దివ్యజనని శ్రీ శారదాదేవి జీవితం, సందేశంపై ప్రసంగం ఉంటుంది. 12 గంటలా 15 నిమిషాలకు విశేష హారతి ఉంటుంది. మధ్యాహ్నం 12 గంటలా 30 భోజన ప్రసాదం ఉంటుంది. మధ్యాహ్నం 2 గంటలకు దేవాలయం దిగువ హాలులో దివ్యజనని శ్రీ శారదాదేవి చలనచిత్ర ప్రదర్శన ఉంటుంది. సాయంత్రం 6:45కు ఆరాత్రికం, 7:15కు ప్రత్యేక భజనలుంటాయని హైదరాబాద్ రామకృష్ణ మఠం అధ్యక్షులు స్వామి బోధమయానంద తెలిపారు.
Updated Date - 2022-12-11T20:32:33+05:30 IST