Hyderabad: కేసీఆర్‌తో పంజాబ్ సీఎం భేటీ
ABN, First Publish Date - 2022-12-20T14:33:01+05:30
హైదరాబాద్: నగరానికి చేరుకున్న పంజాబ్ ముఖ్యమంత్రి భగవంత్‌సింగ్‌ మాన్‌ (Bhagwant Singh Man) ప్రగతిభవన్‌లో సీఎం కేసీఆర్‌ (CM KCR)తో లంచ్ భేటీ అయ్యారు.
హైదరాబాద్: నగరానికి చేరుకున్న పంజాబ్ ముఖ్యమంత్రి భగవంత్‌సింగ్‌ మాన్‌ (Bhagwant Singh Man) ప్రగతిభవన్‌లో సీఎం కేసీఆర్‌ (CM KCR)తో లంచ్ భేటీ అయ్యారు. ఈ సందర్భంగా పంజాబ్ రాష్ట్ర పరిస్థితులపై ఇరువురూ చర్చలు జరుపుతున్నట్లు సమాచారం. అలాగే సీఎం కేసీఆర్‌ బీఆర్‌ఎస్‌ (BRS) పార్టీ ఏర్పాటు చేసిన నేపథ్యంలో భగవంత్‌సింగ్‌ మాన్‌తో జాతీయ రాజకీయాలపై చర్చిస్తున్నట్లు తెలియవచ్చింది.
మంగళవారం హైదరాబాద్‌లోని తాజ్ కృష్ణా హోటల్‌లో నిర్వహించనున్న పెట్టుబడుల సమావేశంలో పాల్గొనేందుకు భగవంత్‌సింగ్‌ మాన్‌ వచ్చారు. ఈ సందర్భంగా మధ్యాహ్నం ఆయన ప్రగతిభవన్‌లో సీఎం కేసీఆర్‌తో భేటీ అయ్యారు. పంజాబ్‌లో కాంగ్రెస్‌ను మట్టి కరిపించి అధికారాన్ని కైవసం చేసుకున్న ఆప్‌.. ఇటీవల జరిగిన ఢిల్లీ మునిసిపల్‌ ఎన్నికల్లో బీజేపీపై విజయం సాధించిన సంగతి తెలిసిందే. ఈ క్రమంలో ఆప్‌ నేత, పంజాబ్ సీఎం మాన్‌; బీఆర్‌ఎస్‌ అధ్యక్షుడు, సీఎం కేసీఆర్‌ల భేటీ ప్రాధాన్యం సంతరించుకుంది. మరోవైపు ఈ నెల 24న పంజాబ్ శాసనసభ స్పీకర్‌ సర్దార్‌ కుల్తార్‌ సింగ్‌ సంధ్వాన్‌ హైదరాబాద్ రానున్నారు.
Updated Date - 2022-12-20T14:33:04+05:30 IST