సూర్యుడి ఆకారంలో 24 వరి వంగడాలు
ABN, First Publish Date - 2022-10-27T02:08:30+05:30
వ్యవసాయ రంగంలో కొత్త ఒరవడిని సృష్టించిన జిల్లాకు చెందిన ఆదర్శ రైతు చిన్ని కృష్ణుడు సూర్యుడి ఆకారంలో 24 వరి వంగడాలను నాటారు.
నిజామాబాద్‌ రూరల్‌, అక్టోబరు 26: వ్యవసాయ రంగంలో కొత్త ఒరవడిని సృష్టించిన జిల్లాకు చెందిన ఆదర్శ రైతు చిన్ని కృష్ణుడు సూర్యుడి ఆకారంలో 24 వరి వంగడాలను నాటారు. విజ్ఞాన యాత్రలో భాగంగా బుధవారం జిల్లాలోని గూపన్‌పల్లిలో గల రైతు చిన్ని కృష్ణుడు వ్యవసాయ క్షేత్రాన్ని నగరానికి చెందిన ఓ ప్రయివేటు పాఠశాల విద్యార్థులు సందర్శించారు. ఈ సందర్భంగా విద్యార్థులకు రైతు చిన్నికృష్ణుడు సేంద్రియ వ్యవసాయం గొప్పతనం గురించి వివరించారు. ఎరువులతో పండించిన పంటలతో కలిగే నష్టాలను తెలియజేశారు. తాను రెండు ఎకరాల్లో.. 24 రకాల వంగడాలతో సూర్యుడి ఆకారంలో పొలం పండిస్తున్న విషయాన్ని తెలిపారు. దీంతో ఆ తర్వాత విద్యార్థులు సూర్యుడి ఆకారంలో నిలబడి.. వరి వంగడాలను తిలకించారు.
Updated Date - 2022-10-27T02:08:39+05:30 IST