Minister Errabelli: వరంగల్ ఎనుమాముల మార్కెట్‌కు గొప్ప చరిత్ర ఉంది..
ABN, First Publish Date - 2022-12-21T12:00:06+05:30
వరంగల్: నూతనంగా నిర్మించిన ఎనుమాముల వ్యవసాయ మార్కెట్ పోలీస్ స్టేషన్‌ను బుధవారం ఉదయం మంత్రి ఎర్రబెల్లి దయాకరరావు (Errabelli Dayakara Rao) ప్రారంభించారు.
వరంగల్: నూతనంగా నిర్మించిన ఎనుమాముల వ్యవసాయ మార్కెట్ పోలీస్ స్టేషన్‌ను బుధవారం ఉదయం మంత్రి ఎర్రబెల్లి దయాకరరావు (Errabelli Dayakara Rao) ప్రారంభించారు. ఈ సందర్బంగా ఆయన మాట్లాడుతూ వరంగల్ (Warangal) ఏనుమముల మార్కెట్‌కు గొప్ప చరిత్ర ఉందని.. దీన్ని కాపాడటం మనందరి బాధ్యతని అన్నారు. గతంలో ఉన్న పరిస్థితులకు, ఇప్పటి పోలీస్ స్టేషన్‌ల పరిస్థితిలో ఎన్నో మార్పులు వచ్చాయన్నారు. గతంలో పోలీస్ స్టేషన్‌లకు కనీస వాహన సౌకర్యం లేదని, తెలంగాణ రాష్ట్రం ఏర్పడిన తర్వాత ప్రతి పోలీస్ స్టేషన్‌కు వాహన సదుపాయం, ఖర్చులకు ప్రభుత్వం నిధులు ఇస్తోందన్నారు. హోమ్ గార్డ్‌ల జీతాన్ని పెంచి వారి గౌరవాన్ని పెంచిందన్నారు. గతంలో ఏదైనా కేసును చేధించటంలో ఎన్నో రోజులు పట్టేదని.. ఇప్పుడు ప్రతి కేసు త్వరగా పరిష్కారం అవుతోందన్నారు. రైతుల సమస్యలను తీర్చడానికి పోలీస్ ముందంజలో ఉండాలని సూచించారు. ఈ కార్యక్రమంలో స్థానిక ఎమ్మెల్యే ఆరూరి రమేష్, సీపీ ఏవీ రంగనాథ్, పలువురు ఉన్నతాధికారులు పాల్గొన్నారు.
Updated Date - 2022-12-21T12:00:09+05:30 IST