Oppo Reno 8T: ఒప్పో రెనో 8టి డిజైన్, కలర్ ఆప్షన్స్ ఇవే!
ABN, First Publish Date - 2023-01-21T21:08:44+05:30
ఒప్పో రెనో 8టి (Oppo Reno 8T) లాంచింగ్‌కు సిద్ధమవుతున్న కంపెనీ.. ఫోన్ విడుదలకు ముందే దాని డిజైన్, కలర్ ఆప్షన్స్‌ను వెల్లడించింది.
న్యూఢిల్లీ: ఒప్పో రెనో 8టి (Oppo Reno 8T) లాంచింగ్‌కు సిద్ధమవుతున్న కంపెనీ.. ఫోన్ విడుదలకు ముందే దాని డిజైన్, కలర్ ఆప్షన్స్‌ను వెల్లడించింది. ఈ చైనీస్ కంపెనీ గతేడాది నవంబరులోనే రెనో 9 సిరీస్‌లోకి ఎంటరైంది. ఆ వెంటనే కొత్త రెనో 8 సిరీస్‌ వేరియంట్‌పై రూమర్లు వెల్లువెత్తాయి.
‘రెనో 8టి’ మిడ్‌నైట్ బ్లాక్, సన్‌సెట్ ఆరెంజ్ కలర్ ఆప్షన్స్‌లో వస్తోంది. ఫోన్ 5జీ వేరియంట్‌లోనూ అందుబాటులో ఉంటుంది. ఒప్పో గ్లో డిజైన్ రెనో 8టి 5జీ, మిడ్‌నైట్ బ్లాక్ వేరియంట్లలో అందుబాటులో ఉంటుంది. సన్‌సెట్ ఆరెంజ్ లెదర్ ఫినిషింగ్‌తో వస్తున్నట్టు తెలుస్తోంది.
ట్రిపుల్ రియర్ కెమెరా వస్తున్న ఈ ఫోన్లలో ఒకదాంట్లో 100 మెగాపిక్సల్ కెమెరా ఉపయోగించారు. ఫ్రంట్ కెమెరా హోల్‌పంచ్ కట్‌ అవుట్‌ డిజైన్‌లో ఉంది. అలాగే 5జీ, ఎల్టీఈ, వైఫై, బ్లూటూత్, ఎన్ఎఫ్‌సీ, జీపీఎస్ ఆప్షన్లు కూడా ఉన్నాయి. 33 వాట్స్ ఫాస్ట్ చార్జింగ్‌‌కి సపోర్ట్ చేస్తుంది. ఇక, గతేడాది నవంబరులో ఒప్పో లాంచ్ చేసిన రెనో 9 సిరీస్‌లో రెనో 9 ప్రొ ప్లస్, రెనో 9 ప్రొ, బేస్ మోడల్స్ ఉన్నాయి.
Updated Date - 2023-01-21T21:08:46+05:30 IST