ఎలక్షన్స్ స్పెషల్ సేల్స్ ధమాకా
ABN, First Publish Date - 2023-09-27T01:39:43+05:30
నిప్పులు విరజిమ్మిన ధిక్కార కలాలు కలల శిరస్సును స్వచ్ఛందంగా తెగనరుక్కొని కోటగుమ్మానికి వేలాడ తీసుకుంటున్నాయి...
నిప్పులు విరజిమ్మిన
ధిక్కార కలాలు కలల శిరస్సును
స్వచ్ఛందంగా తెగనరుక్కొని
కోటగుమ్మానికి వేలాడ తీసుకుంటున్నాయి
శివతాండవం అశ్శరభ శరభ
జన గుండె డప్పు చప్పుడు గళాలు
వాలంటరీగా గరళాన్ని మింగి
‘ఆత్మ’ హత్యకు పాలుపడుతున్నాయి
కన్నీరు చెమట నెత్తురు ఇంకిన నేలలో
ఎన్నికల రియల్ బూమ్‌లో
అక్షరానికైనా అమ్మకైనా ఆత్మగౌరవానికైనా
తప్పక వెల కట్టబడుతుంది
‘ఎవరి ప్రమేయం కాదు
ఇంకెవరి ఒత్తిడి అసలే లేదు
నా మరణానికి నేనే కారణం’ వాంగ్మూలం
జూకంటి జగన్నాథం
Updated Date - 2023-09-27T01:39:43+05:30 IST