కర్ణాటకలో కాంగ్రెస్‌దే హవా
ABN, First Publish Date - 2023-05-07T03:05:52+05:30
కర్ణాటక అసెంబ్లీ ఎన్నికల్లో ఇప్పటికీ కాంగ్రెసే ముందంజలో ఉందని సీ–ఓటరు తాజా సర్వే తెలిపింది.
● 110 నుంచి 122 సీట్లలో విజయం!
● బీజేపీకి 73–85 స్థానాలు.. సీ–ఓటరు తాజా సర్వే వెల్లడి
బెంగళూరు, మే 6: కర్ణాటక అసెంబ్లీ ఎన్నికల్లో ఇప్పటికీ కాంగ్రెసే ముందంజలో ఉందని సీ–ఓటరు తాజా సర్వే తెలిపింది. ఆ పార్టీ 110 నుంచి 122 స్థానాల్లో విజయం సాధించవచ్చని పేర్కొంది. కర్ణాటక అసెంబ్లీలో మొత్తం 224 స్థానాలు ఉన్నాయి. ప్రభుత్వం ఏర్పాటు చేయాలంటే 113 స్థానాలు గెలుచుకోవాలి. ఈసారి కాంగ్రెస్‌కు 40.2 శాతం ఓట్లు రావచ్చని సర్వే తెలిపింది. ఇది 2018లో వచ్చిన ఓట్ల కంటే 2.2 శాతం ఎక్కువ. ప్రస్తుతం రాష్ట్రంలో అధికారంలో ఉన్న బీజేపీ చివరి విడత ఎన్నికల ప్రచారంలో కొంత పుంజుకుందని సర్వే పేర్కొంది. 73 నుంచి 85 సీట్లలో గెలిచే అవకాశం ఉందని తెలిపింది. గత ఎన్నికల్లో 104 స్థానాలు సాధించింది. బీజేపీ గత ఎన్నికల్లో మాదిరిగానే 36 శాతం ఓట్లు సాధిస్తుందని సర్వే అంచనా వేయడం ఆసక్తికరమైన విషయం. కర్ణాటకలో ఈ నెల 10న పోలింగ్‌ జరగనుంది.
Updated Date - 2023-05-07T21:26:24+05:30 IST