Car Flies: సినిమాను తలదన్నే సీన్.. గాల్లో ఎగిరిన కారు.. చివరికి ఏమైందంటే?
ABN, First Publish Date - 2023-08-08T21:08:24+05:30
సాధారణంగా మనం యాక్షన్ సినిమాల్లో కార్లు గాల్లో ఎగరడాన్ని చూస్తూ ఉంటాం. హీరోలకు ఎలివేషన్లు ఇచ్చేందుకు.. కార్లతో రకరకాల స్టంట్లు చేయిస్తారు. కాకపోతే.. ఇక్కడ డూప్స్‌తో ఈ స్టంట్ చేయించడమో లేక గ్రాఫిక్స్‌తో లాగించేయడమో చేస్తుంటారు. ఏదేమైనా..
సాధారణంగా మనం యాక్షన్ సినిమాల్లో కార్లు గాల్లో ఎగరడాన్ని చూస్తూ ఉంటాం. హీరోలకు ఎలివేషన్లు ఇచ్చేందుకు.. కార్లతో రకరకాల స్టంట్లు చేయిస్తారు. కాకపోతే.. ఇక్కడ డూప్స్‌తో ఈ స్టంట్ చేయించడమో లేక గ్రాఫిక్స్‌తో లాగించేయడమో చేస్తుంటారు. ఏదేమైనా.. సినిమాల్లో గాల్లో ఎగిరే ఈ కారు సీన్లు మాత్రం ప్రేక్షకుల్లో జోష్‌ని నింపుతాయి. కానీ.. రియల్ లైఫ్‌లో అలాంటి సంఘటన జరిగితే? అది విషాదాన్నే మిగిలిస్తుంది. సినిమాల తరహాలో నిజ జీవితంలో కారు గాల్లో ఎగిరితే, తీవ్ర పరిణామాలు తప్పవు. ప్రాణాలు పోవడమో లేదా తీవ్ర గాయాలపాలవ్వడమో జరుగుతుంది. ఇప్పుడు అమెరికాలో ఇలాంటి విషాద సంఘటనే వెలుగు చూసింది. యాక్షన్ సినిమాల తరహాలో గాల్లో ఎగిరిన ఒక కారు.. ఏకంగా ఒక ఇంటి మొదటి అంతస్తు పైకి దూసుకెళ్లింది. ఆ వివరాల్లోకి వెళ్తే..
అమెరికాలోని పెన్సిల్వేనియాలో అల్ఫారటా రోడ్డులో ఒక కారు వేగంగా వస్తోంది. రహదారి మొత్తం తనదే అన్నట్టుగా.. డ్రైవర్ దూసుకొస్తున్నాడు. అయితే.. అతివేగం కారణంగా కారు అదుపు తప్పింది. ఈ క్రమంలోనే కల్వర్టును ఢీకొట్టింది. దీంతో ఈ కారు గాల్లో ఎగురుకుంటూ వెళ్లి.. సమీపంలోనే ఉన్న ఓ ఇంటి మొదటి అంతస్తుపైకి దూసుకెళ్లింది. ఈ ఘటనలో కారు డ్రైవర్ తీవ్రంగా గాయపడ్డాడు. ఈ ఘటన గురించి సమాచారం అందుకున్న పోలీసులు.. వెంటనే సంఘటనా స్థలానికి చేరుకొని, డ్రైవర్‌ను అతికష్టం మీద కారు నుంచి దించి, ఆసుపత్రికి తరలించారు. ఈ ప్రమాదం కారణంగా ఇంటికి పెద్ద రంధ్రం ఏర్పడగా.. కారు ముందు భాగం నుజ్జునుజ్జు అయ్యింది. ఘటన సమయంలో ఇంటి ఫస్ట్ ఫ్లోర్‌లో ఎవరూ లేరు. అలాగే.. ఇంటికి రంధ్రం పడిన చోట టార్ప్ వేశారు. అయితే.. సోషల్ మీడియాలో ఈ ఫోటోలు చూసిన నెటిజన్లు, కారు గాల్లో భలే ఎగిరిందే అంటూ కామెంట్లు చేస్తున్నారు.
Updated Date - 2023-08-08T21:08:24+05:30 IST