USA: రెస్టారెంట్‌లో దోపిడీకి దిగాడు.. ఇలా జరిగుతుందని అస్సలు ఊహించి ఉండడు..
ABN, First Publish Date - 2023-01-09T22:10:23+05:30
బొమ్మ తుపాకీతో రెస్టారెంట్‌లో దోపిడీకి యత్నించిన ఓ అమెరికా వ్యక్తి అనూహ్యంగా మరణించాడు.
ఇంటర్నెట్ డెస్క్: బొమ్మ తుపాకీతో రెస్టారెంట్‌లో దోపిడీకి యత్నించిన ఓ అమెరికా వ్యక్తి అనూహ్యంగా మరణించాడు. రెస్టారెంట్ కస్టమర్లలో ఒకరు అతడిని వెనకు నుంచి ఎనిమిది సార్లు తుపాకీతో కాల్చడంతో ఘటనాస్థలంలోనే అతడు మరణించాడు. అతడి తుపాకీని పోలీసులు పరిశీలించగా అది ప్లాస్టిక్‌తో చేసిన బొమ్మ తుపాకీ అని తేలింది. టెక్సాస్‌లోని సౌత్‌వెస్ట్‌హ్యూస్టన్‌లోగల ఓ రెస్టారెంట్‌లో గురువారం రాత్రి ఈ దారుణం జరిగింది. తొలుత నిందితుడిని ఎనిమిది మార్లు కాల్చిన కస్టమర్ అతడు నేలకొరగగానే చేతిలోని తుపాకీని లాక్కుని మరోమారు కాల్చాడు. ఇందుకు సంబంధించిన దృశ్యాలు సోషల్ మీడియాలో వైరల్ అవుతున్నాయి. కాగా.. కస్టమర్‌పై పోలీసులు ఇప్పటివరకూ ఎటువంటి కేసు నమోదు చేయలేదు. దోపిడీదారుడిని కాల్చి చంపాక ఆ కస్టమర్ అతడు దోచుకున్న డబ్బును బాధితులకు తిరిగి ఇచ్చేశాడు.
Updated Date - 2023-01-09T22:10:23+05:30 IST