చైనా జలాంతర్గామిలో 55 మంది దుర్మరణం
ABN, First Publish Date - 2023-10-05T02:21:42+05:30
శత్రు దేశాల నౌకల కోసం సముద్రంలో చైనా పన్నిన ఉచ్చులో ఏకంగా ఆ దేశ అణు జలాంతర్గామి చిక్కుకుంది...
న్యూఢిల్లీ, అక్టోబరు 4: శత్రు దేశాల నౌకల కోసం సముద్రంలో చైనా పన్నిన ఉచ్చులో ఏకంగా ఆ దేశ అణు జలాంతర్గామి చిక్కుకుంది. ఈ ప్రమాదంలో 55మంది చైనా నావికులు దుర్మరణం పాలయ్యారు. ఈ మేరకు బ్రిటన్‌ ఇంటెలిజన్స్‌ నివేదికను ఉటంకిస్తూ యూకేకి చెందిన ‘ద టైమ్స్‌’ కథనం ప్రచురించింది. పీఎల్‌ఏ నేవీకి చెందిన జలాంతర్గామి 093-417 గత ఆగస్టు 21న ఘోర ప్రమాదానికి గురైందని, అందులోని గాలి విషపూరితం కావడం సిబ్బంది మరణాలకు దారితీసినట్లు బ్రిటిష్‌ నిఘా వర్గాలు గుర్తించినట్లు అందులో పేర్కొంది. మృతుల్లో సబ్‌మెరైన్‌ కెప్టెన్‌తో పాటు 21మంది అధికారులు ఉన్నట్లు తెలిపింది. ఎల్లో సముద్రంలో ఈ ఘటన చోటు చేసుకున్నట్లు తెలిపింది. అయితే చైనా, తైవాన్‌ ఈ ప్రచారాన్ని తోసిపుచ్చాయి.
Updated Date - 2023-10-05T02:21:42+05:30 IST