మహా నియంతలే మట్టిలో కలిసిపోయారు..
ABN, First Publish Date - 2023-09-26T02:31:39+05:30
‘మహా నియంతలే మట్టిలో కలిసిపోయారు. నువ్వెంత? నీ అధికార మదమెంత జగన్‌’ అంటూ..
నువ్వెంత? నీ అధికార మదమెంత జగన్‌? : లోకేశ్‌
న్యూఢిల్లీ, సెప్టెంబరు 25 (ఆంధ్రజ్యోతి): ‘మహా నియంతలే మట్టిలో కలిసిపోయారు. నువ్వెంత? నీ అధికార మదమెంత జగన్‌’ అంటూ ఏపీ సీఎంపై టీడీపీ జాతీయ ప్రధాన కార్యదర్శి లోకేశ్‌ నిప్పులు చెరిగారు. జగన్‌ ప్రభుత్వ తీరుపై ఆయన విరుచుకుపడ్డారు. ‘‘ఐటీ ఉద్యోగుల ర్యాలీని అడ్డుకునేందుకు రాష్ట్ర సరిహద్దులో యుద్ధ వాతావరణం సృష్టించావు. చంద్రబాబు అక్రమ అరెస్టుపై శాంతియుతంగా నిరసనలు తెలుపుతున్న తెలుగుదేశం శ్రేణులపై ఉక్కుపాదం మోపుతున్నావు. ప్రభుత్వ అరాచక విధానాలను ప్రశ్నిస్తే దౌర్జన్యం, నిలదీస్తే నిర్బంధం. ప్రజా తిరుగుబాటును అణచివేస్తే మరింత అధికమవుతుంది. నీ అరాచక పాలన అంతం కావడం ఖాయం. ఖాకీలను అడ్డుపెట్టుకుని ఇంకెన్నాళ్లీ ఫ్యాక్షన్‌ స్వామ్యం? ముందస్తు ఎన్నికలొస్తే మూడు నెలలు, షెడ్యూల్‌ ప్రకారం జరిగితే ఆరు నెలల్లో సైకో జగన్‌ దండుపాళ్యం గ్యాంగ్‌ చాప్టర్‌ క్లోజ్‌. నీ అరాచక పాలన ఇక మూణ్నాళ్లే’’ అని లోకేశ్‌ అన్నారు.
Updated Date - 2023-09-26T02:31:39+05:30 IST