Nepal : నేపాల్‌లో దారుణం...
ABN, First Publish Date - 2023-01-15T11:48:53+05:30
మరో వార్తా సంస్థ తెలిపిన వివరాల ప్రకారం, ఈ దుర్ఘటన పోఖారా అంతర్జాతీయ విమానాశ్రయం రన్‌వేపై జరిగినట్లు తెలుస్తోంది.
ఖాట్మండు : నేపాల్‌లోని పోఖారా విమానాశ్రయం సమీపంలో ఆదివారం ఉదయం దారుణం జరిగింది. 68 మంది ప్రయాణికులు, నలుగురు సిబ్బంది ఉన్న ఓ విమానం కుప్పకూలింది. పోఖారా అంతర్జాతీయ విమానాశ్రయం (Pokhara International Airport)కు, పాత విమానాశ్రయానికి మధ్యలో ఈ దుర్ఘటన జరిగింది. ఇది యెటి ఎయిర్లైన్స్ (Yeti airlines)కు చెందిన విమానం. యెటి ఎయిర్లైన్స్ అధికార ప్రతినిధి సుదర్శన్ బర్తౌలా (Sudarshan Bartaula) ఈ వివరాలను నేపాలీ మీడియాకు తెలిపారు.
మరో వార్తా సంస్థ తెలిపిన వివరాల ప్రకారం, ఈ దుర్ఘటన పోఖారా అంతర్జాతీయ విమానాశ్రయం రన్‌వేపై జరిగినట్లు తెలుస్తోంది. సహాయ కార్యక్రమాలు చురుగ్గా జరుగుతున్నాయని, విమానాశ్రయాన్ని మూసేశారని సమాచారం. ప్రయాణికుల పరిస్థితి గురించి ఇంకా సమాచారం అందలేదు.
Updated Date - 2023-01-15T11:56:22+05:30 IST