Haircare Tips: జుట్టు రాలే సమస్యకూ.. ఈ పువ్వులకూ సంబంధమేంటని డౌటా..? అసలు ఈ 5 పువ్వుల గురించి తెలిస్తే..!
ABN, First Publish Date - 2023-08-18T12:40:45+05:30
షాంపూలో రోజ్మేరీని కలపవచ్చు, లేదంటే రోజ్మేరీని ఇతర నూనెలతో కలపి వాడుకోవచ్చు. జుట్టు పెరుగుదలకు రోజ్మేరీ టీ కూడా మంచి ఫలితాలను ఇస్తుంది.
అందమైన రూపానికి పొడవైన, ఒతైన కేశాలు మరింత అందాన్నిస్తాయి. అయితే కాలుష్యం, పోషకాహార లోపంతో ఈ వెంట్రుల సంరక్షచాలావరకూ కష్టంగా మారింది. దీని గురించి ఎన్ని ప్రత్యేకమైన నూనెలు, ఔషదాలు వాడినా ఫలితం ఉండకుండా పోతుంది. అయితే ప్రకృతిలో సహజంగా లభించే చాలా హెర్బల్స్ తో వెంట్రుకల సంరక్షణ చాలా సులభం అవుతుంది. ఇందుకోసం ఐదు రకాల పూలను తీసుకోవడమే.. పూలతో చాలా రకాల పోషకాలు జుట్టుకు అందుతాయి. ఇవి జుట్టు అధికంగా రాలే సమస్యనుంచి, పొడవుగా పెరిగే విధంగా కూడా సహకరిస్తాయి. అదేలాగంటే..
జుట్టు సంరక్షణ సమస్యలకు చికిత్స చేయడానికి ఇంటి రెమెడీలు ఉన్నాయి. వయసు పెరిగేకొద్దీ, చుండ్రు, పొరలుగా ఉండే స్కాల్ప్, స్ప్లిట్ చివర్లు, పొడిబారడం, అకాల గ్రేయింగ్, మరెన్నో వంటి అనేక జుట్టు సంరక్షణ సమస్యలను ఎదుర్కొంటూ ఉంటాము. జుట్టు సంరక్షణ సమస్యలకు చికిత్స చేసే వాటిలో పువ్వులు కూడా ఒకటి. మామూలుగా మనం చెట్ల ఆకులతోనే అంటే గోరింటాకు, నీలి ఆకు, మందారాకు ఇలా ఆకులతో పెస్ట్ చేసి దానిని జుట్టుకు పట్టిస్తూ ఉంటాం అలా కాకుండా పువ్వులతో జుట్టు సంరక్షణ ప్రయోజనాలు చాలానే ఉన్నాయి. అవేమిటో తెలుసుకుందాం.
1. మందార
మందార పువ్వు, ఇది జుట్టు సంరక్షణ చికిత్సలకు విస్తృతంగా ఉపయోగపడుతుంది. ఇందులో జుట్టు పెరుగుదలను ప్రోత్సహించే ఫ్లేవనాయిడ్లు, అమైనో ఆమ్లాలు, ఇతర పోషకాలున్నాయి. ఫ్లేవనాయిడ్లు హెయిర్ ఫోలికల్స్ చుట్టూ ఉన్న రక్తనాళాలలో కండరాల సడలింపుకు కారణమయ్యి.. తద్వారా జుట్టు పెరుగుదలను పెంచుతాయని అధ్యయనాలు చూపిస్తున్నాయి. జుట్టుకు మందారను ఉపయోగించేందుకు, 5 నుంచి 8 ఆకులు, 3 నుంచి 5 మందార పువ్వులను తీసుకొని వాటిని మెత్తగా పేస్ట్ లాగా రుబ్బుకోవాలి. గిన్నెలో కొంచెం కొబ్బరి నూనెను వేడి చేసి, దానిలో పేస్ట్ కలిపి తలపై బాగా మసాజ్ చేయండి. రెండు గంటల తర్వాత తలస్నానం చేయాలి. ఈ సమయంలో షాంపూ ఉపయోగించకపోవడం ఉత్తమం.
2. జాస్మిన్
జాస్మిన్ ఫ్లవర్ అనేది వెంట్రుకల పెరుగుదలను పెంచుతుంది. పువ్వు సువాసన జుట్టు సంరక్షణ ఉపయోగపడుతుంది. జాస్మిన్ ఫ్లవర్ నేచురల్ కండీషనర్‌గా పనిచేస్తుంది, ఇది జుట్టుకు తేమను ఇస్తుంది, మల్లె పువ్వులను నీటిలో నానబెట్టి, ఆ నీటిని తలకు పట్టించి తర్వాత తలను చల్లని నీటితో కడిగేసుకుంటే సరి.
ఇది కూడా చదవండి: ప్రతీ ఇంట్లోనూ తప్పనిసరిగా ఉండాల్సిన 7 మొక్కల లిస్ట్ ఇదీ.. వీటి వల్ల కలిగే లాభాలేంటో తెలిస్తే వెంటనే కొనేస్తారు..!
3. గులాబీ
రోజ్ ఫ్లవర్ రేకులను జుట్టు అందాన్ని పెంచేందుకు సహజసిద్ధమైన ఔషధంగా ఉపయోగించవచ్చు. రోజా రేకులను క్రమం తప్పకుండా ఉపయోగించడం వల్ల జుట్టుకు పోషణ లభిస్తుంది. ఇది జుట్టు పెరుగుదలను పెంచడం ద్వారా జుట్టు కుదుళ్లను బలోపేతం చేస్తుంది. జుట్టు పెరుగుదలకు గులాబీ పువ్వులను ఉపయోగించడానికి, వారానికి ఒకసారి జుట్టుకు రోజ్ వాటర్‌ను ఉపయోగించవచ్చు.
4. రోజ్మేరీ
రోజ్మేరీ పువ్వులు స్కాల్ప్ ఆరోగ్యాన్ని పెంచడానికి, జుట్టు పెరుగుదలను ప్రోత్సహించడానికి ఉపయోగిస్తారు. ఇది కార్నోసిక్ యాసిడ్ అని పిలువబడే ఒక క్రియాశీల పదార్ధాన్ని కలిగి ఉంటుంది, ఇది స్కాల్ప్ నరాలను పునరుజ్జీవింపజేస్తుంది. జుట్టు కోసం రోజ్మేరీని ఉపయోగించడానికి రోజ్మేరీ నూనెను ఉపయోగించవచ్చు, షాంపూలో రోజ్మేరీని కలపవచ్చు, లేదంటే రోజ్మేరీని ఇతర నూనెలతో కలపి వాడుకోవచ్చు. జుట్టు పెరుగుదలకు రోజ్మేరీ టీ కూడా మంచి ఫలితాలను ఇస్తుంది.
5. బెర్గామోట్
జుట్టు రాలడం, ఇతర స్కాల్ప్ సమస్యలకు బెర్గామోట్ బేరిపండు ఒకటి. ఇందులోని యాంటీ ఇన్‌ఫ్లమేటరీ, యాంటీ బాక్టీరియల్, యాంటీ ఆక్సిడెంట్ గుణాలు జుట్టు సంరక్షణ సమస్యలకు సరైన చికిత్స చేస్తాయి. క్యారియర్ ఆయిల్‌లో 2 నుంచి 3 చుక్కల బేరిపండు నూనెను కలిపి, తలకు బాగా మసాజ్ చేయాలి. ఇది జుట్టు పెరుగుదలకు మంచి సపోర్ట్ గా నిలుస్తుంది.
Updated Date - 2023-08-18T12:40:45+05:30 IST