Pathaan Tickets : 24 గంటల్లో 1. 75 లక్షల టికెట్స్‌ హాం ఫట్‌!
ABN, First Publish Date - 2023-01-21T23:38:58+05:30
షారుఖ్‌ఖాన్‌ నటించిన తాజా చిత్రం ‘పఠాన్‌’కు ప్రేక్షకుల నుంచి స్పందన మాములుగా లేదు. నాలుగేళ్ల తర్వాత వస్తున్న షారుఖ్‌ చిత్రం కావడం, దీపిక పాల్గొన్న ‘బేషరమ్‌ రంగ్‌’
షారుఖ్‌ఖాన్‌ నటించిన తాజా చిత్రం ‘పఠాన్‌’కు ప్రేక్షకుల నుంచి స్పందన మాములుగా లేదు. నాలుగేళ్ల తర్వాత వస్తున్న షారుఖ్‌ చిత్రం కావడం, దీపిక పాల్గొన్న ‘బేషరమ్‌ రంగ్‌’ పాట విషయంలో కాంట్రవర్సీ ఇత్యాది కారణాల వల్ల ‘పఠాన్‌’ చిత్రానికి మంచి డిమాండ్‌ ఏర్పడింది. ఈ సినిమాను నిషేధించాలంటూ వినిపిస్తున్న నిరసనలు, పోటీ పెద్దగా లేకపోవడం కూడా ‘పఠాన్‌’కు బాగా కలిసొచ్చాయి. ఎలాగైనా మొదటి రోజే ఈ సినిమా చూసేయాలని ప్రేక్షకులు ఫిక్స్‌ అయిపోవడంతో అడ్వాన్స్‌ బుకింగ్‌ మొదలైన 24 గంటల వ్యవధిలో పీవీఆర్‌, ఐనాక్స్‌, సినీపోలీస్‌ మల్టీప్లెక్స్‌లో దాదాపు 1.75 లక్షల టికెట్స్‌ అమ్ముడయి రికార్డ్‌ సృష్టించాయి. పీవీఆర్‌ సినిమా్‌సలో 75 వేలు, ఐనాక్స్‌లో 60, 500, సినీపోలీస్‌ 35,500 టికెట్స్‌ అమ్ముడవడం విశేషం. ముంబై, బెంగళూరు, హైదరాబాద్‌, కోల్‌కతా నగరాల నుంచి పెద్ద సంఖ్యలో టికెట్స్‌ అమ్ముడవడయ్యాయి. దీనిని బట్టి చూస్తే తొలి రోజే ఈ సినిమా దాదాపు రూ. 50 కోట్లు వసూలు చేయవచ్చని ట్రేడ్‌ పండితులు అంచనా వేస్తున్నారు. ఈ మధ్య కాలంలో ఓ హిందీ చిత్రానికి ఇంత క్రేజ్‌ ఏర్పడడం ఇదే. ఇప్పటి వరకూ ఓపెనింగ్‌ కలెక్షన్లలో (రూ 41 కోట్లు) బాహుబలి 2’ చిత్రానిదే హయ్యెస్ట్‌ రికార్డ్‌. ‘పఠాన్‌’ జోరు చూస్తుంటే అది ‘బాహుబలి 2’ ను అధిగమించే అవకాశాలు కనిపిస్తున్నాయి.
Updated Date - 2023-01-21T23:38:59+05:30 IST