18 Pages OTT Streaming: ఓటీటీకి వచ్చేస్తున్న నిఖిల్ మూవీ.. ఎక్కడంటే..
ABN, First Publish Date - 2023-01-15T10:35:55+05:30
గతేడాది పాన్ ఇండియా స్థాయి మంచి విజయాన్ని దక్కించుకున్న సినిమాల్లో ‘కార్తీకేయ 2’ (Kathikeya 2) ఒకటి. యంగ్‌ హీరో నిఖిల్ (Nikhil), అనుపమ పరమేశ్వరన్‌..
గతేడాది పాన్ ఇండియా స్థాయిలో మంచి విజయాన్ని దక్కించుకున్న సినిమాల్లో ‘కార్తీకేయ 2’ (Kathikeya 2) ఒకటి. యంగ్‌ హీరో నిఖిల్ (Nikhil), అనుపమ పరమేశ్వరన్‌ (Anupama parameshwaran) జంటగా నటించిన ఈ చిత్రం దేశవ్యాప్తంగా దాదాపు రూ.120 కోట్లకి పైగా వసూళ్లు సాధించింది. ఈ మూవీ తర్వాత ఈ జంట కలిసి నటించిన మరో చిత్రం ‘18 పేజెస్‌’ (18 Pages). గతేడాది డిసెంబర్ 23న థియేటర్లలో విడుదలైన ఈ మూవీ కూడా సక్సెస్‌ని అందుకుంది. విడుదలైన మొదటి ఆట నుంచే మంచి ఫీల్‌గుడ్‌ లవ్‌స్టోరీగా ప్రేక్షకుల మన్ననలు పొందింది. స్టార్ డైరెక్టర్ సుకుమార్ (Sukumar) స్టోరీ అందించిన ఈ మూవీ మొత్తంగా రూ. 25 కోట్లపైనే గ్రాస్‌ కలెక్ట్‌ చేసి నిర్మాతలకు లాభాలు తెచ్చిపెట్టింది.
బిగ్‌స్క్రీన్‌పై మంచి విజయాన్ని అందుకున్న చిత్రం త్వరలో ఓటీటీ సందడి చేసేందుకు సిద్ధమైంది. ఈ సినిమా డిజిటల్ రైట్స్‌ని ఇంతకుముందే ఈ ఆహా వీడియో సొంతం చేసుకుంది. తాజాగా మరో ప్రముఖ ఓటీటీ నెట్‌ఫ్లిక్స్‌లో కూడా ఈ మూవీ స్ట్రీమింగ్ కానుంది. ఆ ఓటీటీ భారీ ధరకు ఈ చిత్ర రైట్స్‌ని కొనుగోలు చేసినట్లు తెలుస్తోంది. దీంతో ఈ మూవీ స్ట్రీమింగ్ గురించి తెలుపుతూ.. నెట్‌ఫ్లిక్స్ యాజమాన్యం సోషల్ మీడియా ఓ పోస్ట్ చేసింది. దానికి.. ‘పేజ్‌లు 18 అయినా, మినిమం 18 సార్లు చూడటానికి సిద్ధం. త్వరలో 18 పేజేస్ నెట్‌ఫ్లిక్స్‌లో రాబోతోంది’ అని రాసుకొచ్చింది. అయితే స్ట్రీమింగ్ తేదీని మాత్రం ఇంకా ప్రకటించలేదు.
Updated Date - 2023-01-15T10:38:47+05:30 IST