Viral: అర్ధరాత్రి ఏదో అలికిడి.. దొంగలు పడ్డారని భయపడ్డ జంట..భయంభయంగా బాత్రూమ్‌లోకి తొంగి చూస్తే..
ABN, First Publish Date - 2023-07-02T16:07:03+05:30
ఇటీవల అర్ధరాత్రి అమెరికాలో ఓ జంటకు ఊహించని అనుభవం ఎదురైంది. బాత్రూమ్‌లో ఏదో చప్పుడు అవుతోందని వెళ్లి చూడగా పెద్ద మొసలి కనిపించింది. దీంతో వారు అటవీ శాఖ అధికారులకు సమాచారం ఇవ్వగా వారొచ్చి మొసలిని బంధించి తీసుకెళ్లారు.
ఇంటర్నెట్ డెస్క్: ఆ దంపతులు ఎప్పటిలాగే ఇంటి తలుపులన్నీ జాగ్రత్తగా వేసుకుని నిద్రకు ఉపక్రమించారు. కానీ, ఆ రోజు రాత్రి వాళ్ల బాత్రూమ్‌లో ఎదో అలికిడి. దొంగలు పడ్డారేమో అని భయంభయంగా తలుపులు తీసి చూశారు. అంతే..అక్కడ కనిపించిన దృశ్యం చూసి వారికి నోట మాటరాలేదు.
అమెరికాలో(America) ఇటీవల వెలుగు చూసిన ఈ ఘటన పూర్తి వివరాల్లోకి వెళితే.. డాన్, ఆయన భార్యకు జూన్ అర్ధరాత్రి ఊహించని అనుభవం ఎదురైంది. తమ బాత్రూమ్‌లో అర్ధరాత్రి అలికిడి కావడంతో వెళ్లి చూడగా వారికి ఏకంగా ఐదు అడుగుల పొడవున్న మొసలి కనిపించింది(Couple wakes up allegator in bathroom). తొలుత ఇంట్లో దొంగలు పడ్డారని వారు అనుకున్నారు. అసలే చీకటి కావడంతో వారిలో టెన్షన్ పెరిగిపోయింది. డాన్ ఏకంగా తూపాకీ తీసుకున్నాడు. ఏ పరిస్థితినైనా ఎదుర్కొనేందుకు మానసికంగా సిద్ధమయ్యాడు. కానీ బాత్రూమ్‌లో మొసలి కనిపించడంతో వారు కొంచెం స్థిమితపడ్డారు.
అయితే, అది ఏం చేస్తుందో అన్న భయం వారిని ఆవరించింది. వెంటనే బాత్రూమ్ తలుపు వేసిన వారు ఆ అటవీ శాఖ అధికారులకు సమాచారమిచ్చారు. దీంతో, వారు అక్కడొకచ్చి మొసలిని బంధించి బయటకు తీసుకెళ్లిపోయారు. పెంపుడు కుక్క వచ్చి వెళ్లేందుకు వీలుగా ఇంటి ప్రధాన ద్వారంలో ఏర్పాటు చేసిన చిన్న తలుపు ద్వారా ఆ మొసలి లోపలికి వచ్చిందని అటవీ శాఖ అధికారులు తెలిపారు. అయితే, అది ఎవరినీ ఏమీ చేయకపోవడంతో వారంతా ఊపిరి పీల్చుకున్నారు.
Updated Date - 2023-07-02T16:07:47+05:30 IST