Viral Video: మహాశివ రాత్రి ఉత్సవాల్లో పాల్గొన్న అనుష్క శెట్టి.. రెండేళ్ల తర్వాత బయటకు..
ABN, First Publish Date - 2023-02-18T19:13:37+05:30
యోగా టీచర్‌గా కెరీర్‌ను ఆరంభించి హీరోయిన్‌గా మారిన అందాల భామ అనుష్క శెట్టి (Anushka Shetty). ‘సూపర్’ (Super) తో వెండితెర పైకి రంగప్రవేశం చేశారు. ‘అరుంధతి’ (Arundhati) తో తనలో మంచి నటి ఉన్నారని నిరూపించుకున్నారు.
యోగా టీచర్‌గా కెరీర్‌ను ఆరంభించి హీరోయిన్‌గా మారిన అందాల భామ అనుష్క శెట్టి (Anushka Shetty). ‘సూపర్’ (Super) తో వెండితెర పైకి రంగప్రవేశం చేశారు. ‘అరుంధతి’ (Arundhati) తో తనలో మంచి నటి ఉన్నారని నిరూపించుకున్నారు. అనంతరం కథానాయిక ప్రాధాన్యం ఉన్న సినిమాలకు కేరాఫ్ అడ్రస్‌గా మారారు. ‘రుద్రమ దేవి’, ‘సైజ్ జీరో’ వంటి చిత్రాలతో ప్రేక్షకులను మెస్మరైజ్ చేశారు. చాలా రోజులుగా అనుష్క బయట కనిపించడం లేదు. కానీ, తాజాగా ఆమె ఓ వేడుకలో పాల్గొనేందుకు బయటకు రావడంతో ఆ వీడియో నెట్టింట వైరల్‌గా మారింది.
అనుష్క తాజాగా బెంగళూరులో కనిపించారు. మహాశివ రాత్రి ఉత్సవాల్లో పాల్గొన్నారు. ఈ వేడుకలో ఆమె కటుంబ సభ్యులు కూడా పాలు పంచుకున్నారు. అందుకు సంబంధించిన వీడియో సోషల్ మీడియాలో వైరల్‌గా మారింది. అభిమానులందరు విపరీతంగా షేర్ చేస్తున్నారు. దాదాపుగా రెండేళ్ల తర్వాత ఆమె బయటకు రావడం చెప్పుకోదగ్గ విశేషం. చివరగా స్వీటీ ‘నిశ్శబ్ధం’ (Nishabdham) లో నటించారు. ఈ చిత్రం 2020లో ప్రైమ్ వీడియో వేదికగా విడుదలైంది. అనంతరం ప్రజల మధ్యకు ఆమె ఎప్పుడు రాలేదు. కొన్ని రోజుల క్రితం అనుష్క ‘భూత కోళ’ కార్యక్రమంలో పాల్గొన్నట్టు ఓ వీడియో నెట్టింట హల్‌చల్ చేసింది. కానీ, ఆ వీడియో క్లారిటీ లేదు. ఇక కెరీర్ విషయానికి వస్తే.. నవీన్‌ పొలిశెట్టికి జోడీగా ‘మిస్ శెట్టి, మిస్టర్ పోలిశెట్టి’ (MS Shetty MR Polishetty) అని ఓ సినిమా చేస్తున్నారు. యూవీ క్రియేషన్స్‌ ఈ చిత్రాన్ని నిర్మిస్తుంది. మహేశ్ దర్శకత్వం వహిస్తున్నారు. ఈ మూవీలో అనుష్క ఇంటర్నేషన్ షెఫ్‌గా కనిపించనున్నారు.
Updated Date - 2023-02-18T19:14:17+05:30 IST