Sushmita Sen: ఖరీదైన కారును కోనుగోలు చేసిన హీరోయిన్.. ధర వింటే షాకే..
ABN, First Publish Date - 2023-01-21T17:22:25+05:30
సుస్మితా సేన్ మెర్సిడెస్ ఏఏమ్‌జీ జీఎల్‌ఈ 53 కూపే కారును కొనుగోలు చేసింది. అందుకు సంబంధించిన ఫొటోలను సోషల్ మీడియా వేదికగా అభిమానులతో పంచుకుంది. ‘బ్యూటీ అండ్ ది బీస్ట్’ అని క్యాప్షన్ ఇచ్చింది.
బాలీవుడ్‌కు చెందిన అనేక సినిమాల్లో నటించి ఫేమ్‌ను సంపాదించుకున్న అందాల భామ సుస్మితా సేన్ (Sushmita Sen). ఆమె మొదట మోడల్‌గా కెరీర్‌ను ఆరంభించింది. అనంతరం మిస్ యూనివర్స్ కిరీటాన్ని కైవసం చేసుకోవడంతోనే దశ తిరిగింది. బాలీవుడ్ నుంచి వరుసగా ఆఫర్స్ రావడంతో హీరోయిన్‌గా మారింది. ‘మై హు నా’, ‘డు నాట్ డిస్టర్బ్’, ‘మైనే ప్యార్ క్యోం కియా’ వంటి చిత్రాలతో ప్రేక్షకులను అలరించింది. ఈ అందాల భామ తాజాగా విలాసవంతమైన కారును కొనుగోలు చేసి తనకు తాను గిఫ్ట్‌గా ఇచ్చుకుంది.
సుస్మితా సేన్ మెర్సిడెస్ ఏఏమ్‌జీ జీఎల్‌ఈ 53 కూపే కారును కొనుగోలు చేసింది. అందుకు సంబంధించిన ఫొటోలను సోషల్ మీడియా వేదికగా అభిమానులతో పంచుకుంది. ‘బ్యూటీ అండ్ ది బీస్ట్’ అని క్యాప్షన్ ఇచ్చింది. అంతకు ముందు కారుకు సంబంధించిన వీడియోను నెట్టింట షేర్ చేసింది. ‘‘డ్రైవింగ్ అంటే ఇష్టమున్న మహిళ తనకు తానుగా పవర్ ఫుల్ బ్యూటీని గిఫ్ట్‌గా ఇచ్చుకుంది. ఐ లవ్ యూ’’ అని సుస్మిత తెలిపింది. ఈ కారు ధర రూ.1.63 కోట్లు ఉంటుందని బీ టౌన్ మీడియా తెలుపుతోంది. ఇక కెరీర్ విషయానికి వస్తే.. సుస్మిత నటించిన వెబ్‌సిరీస్ ‘ఆర్య’ (Aarya), ‘ఆర్య 2’ (Aarya 2) సంచలన విజయం సాధించాయి. ‘ఆర్య 2’ ఇంటర్నేషనల్ ఎమ్మీ అవార్డ్స్‌కి కూడా నామినేట్ అయింది. ప్రస్తుతం ఆమె ‘ఆర్య 3’ (Aarya 3) షూటింగ్‌లో పాల్గొంటుంది.
Updated Date - 2023-01-21T17:23:57+05:30 IST