Ranbir Kapoor: అభిమాని ఫోన్‌ను విసిరేసిన రణ్‌బీర్.. వైరల్‌గా మారిన వీడియో..
ABN, First Publish Date - 2023-01-27T19:46:07+05:30
బాలీవుడ్‌లోని టాలెంటెడ్ నటుల్లో రణ్‌బీర్ కపూర్ (Ranbir Kapoor) ఒకరు. చివరగా ‘షంషేరా’ (Shamshera) లో నటించాడు. రణ్‌బీర్ తాజాగా ఓ అభిమాని ఫోన్‌ను విసిరేశాడు. అందుకు సంబంధించిన వీడియో నెట్టింట వైరల్‌గా మారింది.
బాలీవుడ్‌లోని టాలెంటెడ్ నటుల్లో రణ్‌బీర్ కపూర్ (Ranbir Kapoor) ఒకరు. చివరగా ‘షంషేరా’ (Shamshera) లో నటించాడు. రణ్‌బీర్ తాజాగా ఓ అభిమాని ఫోన్‌ను విసిరేశాడు. అందుకు సంబంధించిన వీడియో నెట్టింట వైరల్‌గా మారింది. ఫలితంగా నెటిజన్స్ అందరు రణ్‌బీర్‌‌ను ట్రోల్ చేస్తున్నారు. సోషల్ మీడియాలో కామెంట్స్ పోస్ట్ చేస్తున్నారు.
బాలీవుడ్ హీరో రణ్‌బీర్ కపూర్ పని మీద బయటికి వచ్చాడు. ఈ సందర్భంగా ఫొటోగ్రాఫర్స్ అతడిని క్లిక్‌ మనిపించారు. హీరోతో సెల్ఫీలు తీసుకోవడానికి అభిమానులు ఎగబడ్డారు. రణ్‌బీర్ కూడా నవ్వూతూ ఓ అభిమానితో సెల్ఫీకి ఫోజు ఇచ్చాడు. అయితే, ఆ అభిమాని చాలా సార్లు సెల్ఫీ తీసుకోవడానికి ప్రయత్నించినప్పటికి సఫలం కాలేదు. దీంతో రణ్‌బీర్ కోపానికి గురయ్యాడు. అతడి ఫోన్‌ను తీసుకుని వెనుకకు విసిరాడు. ఈ సమయంలో రణ్‌బీర్ సిబ్బంది ఈ ఘటనను రికార్డు చేయకుండా ఉండేందుకు ప్రయత్నించారు. అయినప్పటికీ, కొంత మంది మాత్రం రికార్డ్ చేశారు. ప్రస్తుతం ఈ వీడియో నెట్టింట వైరల్‌గా మారింది. ఈ వీడియో కింద నెటిజన్స్ కామెంట్స్ వర్షం కురిపిస్తున్నారు. ‘‘సెల్ఫీ ఇవ్వడానికి ఇంత యాటిట్యూడా’’ అని ఓ నెటిజన్ కామెంట్ పోస్ట్ చేశారు. కొంత మంది మాత్రం ఇది యాడ్ అని చెబుతున్నారు. ఓటీటీ ప్లాట్‌ఫామ్ ప్రమోషన్ కోసం చేసిన స్టంట్ అని కామెంట్స్ పెడుతున్నారు.
Updated Date - 2023-01-27T19:55:12+05:30 IST