SS Rajamouli: హృతిక్ రోషన్ వైరల్ వీడియోపై క్లారిటీ.. పదాల ఎంపిక..
ABN, First Publish Date - 2023-01-15T17:32:12+05:30
‘ఆర్ఆర్ఆర్’ (RRR) సినిమా ఆస్కార్ బరిలో నిలిచిన సంగతి తెలిసిందే. ఈ నేపథ్యంలో ఎస్‌ఎస్.రాజమౌళి (SS Rajamouli)కి సంబంధించిన అనేక వీడియోలు నెట్టింట చక్కర్లు కొడుతున్నాయి.
‘ఆర్ఆర్ఆర్’ (RRR) సినిమా ఆస్కార్ బరిలో నిలిచిన సంగతి తెలిసిందే. ఈ నేపథ్యంలో ఎస్‌ఎస్.రాజమౌళి (SS Rajamouli)కి సంబంధించిన అనేక వీడియోలు నెట్టింట చక్కర్లు కొడుతున్నాయి. హృతిక్ రోషన్ (Hrithik Roshan)పై జక్కన్న చేసిన వ్యాఖ్యల వీడియో కూడా వైరల్‌గా మారిన సంగతి తెలిసిందే. ఈ వీడియోపై తాజాగా రాజమౌళి స్పందించాడు. తన మాటల వెనుక ఉన్న ఉద్దేశ్యాన్ని వివరించాడు.
ప్రభాస్ హీరోగా చేసిన బిల్లా ఈవెంట్‌లో రాజమౌళి మాట్లాడాడు. ‘‘రెండేళ్ల క్రితం ‘ధూమ్ 2’ (Dhoom 2) చూసినప్పుడు బాలీవుడ్ ఈ చిత్రాలను ఏ విధంగా రూపొందిస్తుందని ఆశ్చర్యపోయాను. హృతిక్ రోషన్ మాదిరి హీరోలు మనకు లేరా అనుకున్నాను..? బిల్లా పోస్టర్, పాటలు, సాంగ్స్ చూశాక ప్రభాస్ ముందు హృతిక్ రోషన్ నథింగ్ అనిపిస్తుంది’’ అని రాజమౌళి చెప్పాడు. జక్కన్న‌కు వరల్డ్ వైడ్‌గా ఫేమ్ లభిస్తున్న సమయంలో ఈ వీడియో వైరల్‌గా మారింది. హృతిక్ అభిమానులతో సహా బాలీవుడ్ ట్రేడ్ వర్గాలు ఈ వ్యాఖ్యలపై అసంతృప్తిని వ్యక్తం చేశాయి. దీంతో అతడు మీడియాకు ఇంటర్వ్యూ ఇస్తూ క్షమాపణలు కోరాడు. ‘‘నేను 15, 16ఏళ్ల క్రితం ఈ వ్యాఖ్యలు చేశాను. నా పదాల ఎంపిక బాగాలేదు. హృతిక్‌ను కించపరిచే ఉద్దేశ్యం నాకు లేదు. అతడు అంటే నాకు ఎంతో గౌరవం’’ అని జక్కన్న తెలిపాడు. స్టార్ డైరెక్టర్‌గా పేరును సంపాదించుకున్నప్పటికీ తప్పును అంగీకరించడం గొప్ప విషయమని రాజమౌళిపై నెటిజన్స్ ప్రశంసల వర్షం కురిపిస్తున్నారు.
రాజమౌళి తెరకెక్కించిన ‘ఆర్ఆర్ఆర్’ సినిమా ఇంటర్నేషనల్ అవార్డ్స్‌లో సత్తా చాటుతుంది. తాజాగా ఈ చిత్రం సినీ ప్రపంచంలోనే విశిష్ఠ పురస్కారమైన గోల్డెన్ గ్లోబ్ పురస్కారాన్ని కైవసం చేసుకుంది. ఒరిజినల్ సాంగ్ కేటగిరిలో ‘నాటు నాటు’ అవార్డును సొంతం చేసుకుంది.
Updated Date - 2023-01-15T17:47:40+05:30 IST