Pathaan: విడుదలకు ముందే రికార్డులు సృష్టిస్తున్న ‘పఠాన్’
ABN, First Publish Date - 2023-01-24T15:49:44+05:30
‘పఠాన్’ ప్రపంచవ్యాప్తంగా జనవరి 25న విడుదల కానుంది. రిలీజ్ డేట్ దగ్గరపడుతున్న కొద్ది ఈ సినిమా అనేక రికార్డులను తిరగరాస్తుంది.
బాలీవుడ్ బాక్సాఫీస్ రికార్డులను తిరగరాసే నటుడు షారూఖ్ ఖాన్ (Shah Rukh Khan). చివరగా ఆనంద్ ఎల్. రాయ్ దర్శకత్వం వహించిన ‘జీరో’ (Zero) లో నటించాడు. ఈ సినిమా బాక్సాఫీస్ వద్ద పరాజయం పాలైంది. దీంతో చిత్రాలకు కింగ్ ఖాన్ కొంతకాలం బ్రేక్ ఇచ్చాడు. దాదాపుగా ఐదేళ్ల తర్వాత ‘పఠాన్’ (Pathaan) తో ప్రేక్షకుల ముందుకు వస్తున్నాడు. ఈ మూవీ ప్రపంచవ్యాప్తంగా జనవరి 25న విడుదల కానుంది. రిలీజ్ డేట్ దగ్గరపడుతున్న కొద్ది ఈ సినిమా అనేక రికార్డులను తిరగరాస్తుంది.
పది లక్షల టిక్కెట్స్:
‘పఠాన్’ విడుదలకు ముందే ఒపెనింగ్ డే అడ్వాన్స్ బుకింగ్స్‌లో రికార్డులు సృష్టిస్తుంది. మూడు మల్టీప్లెక్స్ చెయిన్స్‌లో ఈ చిత్రానికి ఇప్పటి వరకు 4.19లక్షల టిక్కెట్స్ బుక్ అయ్యాయి. బాలీవుడ్ సినిమాలకు ఈ స్థాయిలో టిక్కెట్స్ బుకింగ్స్ కావడం ఇదే మొదటిసారి. గతంలో ఈ రికార్డు ‘వార్’ (War) పేరిట ఉండేది. వార్ చిత్రం అప్పట్లో 4.10లక్షల టిక్కెట్స్ బుకింగ్‌తో సంచలనాన్ని నమోదు చేసింది. తాజాగా ఆ రికార్డును ‘పఠాన్’ చెరిపేసింది. అడ్వాన్స్ బుకింగ్స్‌లో పఠాన్ సినిమాకు పది లక్షల టిక్కెట్స్ అమ్ముడయ్యాయి.
100దేశాల్లో విడుదల:
స్పై థ్రిల్లర్‌గా రూపొందిన పఠాన్ సినిమా 100కు పైగా దేశాల్లో విడుదల కానుంది. ఓవర్సీస్‌లోను అత్యధిక లోకేషన్స్‌లో ప్రేక్షకుల ముందుకు రానుంది. ‘పఠాన్’ ను బాలీవుడ్ బడా డైరెక్టర్ సిద్దార్థ్ ఆనంద్ తెరకెక్కించాడు. ఈ చిత్రంలో దీపికా పదుకొణె, జాన్ అబ్రహం కీలక పాత్రలు పోషించారు. యశ్ రాజ్ ఫిలిమ్స్ భారీ బడ్జెట్‌తో మూవీని రూపొందించింది. కింగ్ ఖాన్ ఐదేళ్ల తర్వాత రీ ఎంట్రీ ఇస్తుండటంతో ‘పఠాన్’ పై భారీ బజ్ ఉంది.
Updated Date - 2023-01-24T15:54:34+05:30 IST