1. • Home » Prathyekam » Today Horoscope Astrological prediction for April 11 2023 ssr

Horoscope Today April 11: ఈ రెండు రాశుల వారు ఇవాళ ఆంజనేయ స్వామిని పూజించండి.. ఎందుకంటే..

ఎంత కష్టపడినా జీవితంలో కలిసి రావడం లేదని, కష్టపడి సంపాదిస్తున్నా డబ్బు ఎటుపోతుందో తెలియడం లేదని కొందరు మదనపడుతుంటారు. మరికొందరు, సరిపడా డబ్బున్నా ఆరోగ్య సమస్యలతో..

ఎంత కష్టపడినా జీవితంలో కలిసి రావడం లేదని, కష్టపడి సంపాదిస్తున్నా డబ్బు ఎటుపోతుందో తెలియడం లేదని కొందరు మదనపడుతుంటారు. మరికొందరు, సరిపడా డబ్బున్నా ఆరోగ్య సమస్యలతో సతమతమవుతూ ఉంటారు. ఇంకొందరు.. ఉద్యోగ ధర్మంలో భాగంగా ఎంత అంకిత భావంతో పని చేస్తున్నా తగిన గుర్తింపు దక్కడం లేదని బాధపడుతుంటారు. వ్యాపారంలో కలిసి రావడం లేదనదే మరికొందరి అసంతృప్తి. కొందరి దైనందిన జీవితంలో నెలకొన్న ఈ అసంతృప్తికి, అశాంతికి రాశి వాసి చూసుకోకపోవడం, పట్టించుకోకపోవడం కూడా కారణమనేది జ్యోతిష్యుల అభిప్రాయం.

ప్రతిరోజూ క్రమం తప్పకుండా దిన ఫలాలను చూసుకుని అందుకు తగిన విధంగా దైనందిన జీవితంలో మార్పులుచేర్పులు చేసుకోవడం, ఆధ్యాత్మిక సూచనలను అనుసరించడం వల్ల మేలు జరుగుతుందని.. కాలం కలిసొస్తుందని జ్యోతిష్యులు చెబుతున్నారు. దిన ఫలాలను ప్రతిరోజూ క్రమం తప్పకుండా చూసుకుని పాటించేవాళ్లు దేశవ్యాప్తంగా కోట్ల సంఖ్యలో ఉన్నారని చెప్పడంలో అతిశయోక్తి లేదేమో. పాఠకుల అభిరుచికి ఎల్లప్పుడూ పెద్ద పీట వేసే ఆంధ్రజ్యోతి వెబ్‌సైట్ దిన ఫలాలను/రాశి ఫలాలను ప్రతిరోజూ క్రమం తప్పకుండా మీకు అందించాలని నిర్ణయించుకుంది. అందులో భాగంగా.. ఏప్రిల్ 11, 2023 (మంగళవారం) రాశి ఫలాలు మీకోసం..

మేషం (మార్చి 21 - ఏప్రిల్‌ 20 మధ్య జన్మించిన వారు)

ప్రణాళికాబద్ధంగా వ్యవహరించి లక్ష్యాలు సాధిస్తారు. రక్షణ, న్యాయ, బోధన, రవాణా, ఆడిటింగ్‌ రంగాల వారికి ప్రోత్సాహకరం. ఒక సమాచారం ఉల్లాసం కలిగిస్తుంది. విద్యార్థులకు శుభప్రదం. ప్రయాణాలు చర్చలకు అనుకూలం. ఆంజనేయ స్వామి ఆరాధన మంచిది.

వృషభం ( ఏప్రిల్‌ 21 - మే 20 మధ్య జన్మించిన వారు)

పెట్టుబడుల విషయంలో ప్రోత్సాహకరంగా వుంటుంది. బీమా, పన్నులు, మ్యూచ్యువల్‌ ఫండ్‌ల గురించి ఆరా తీస్తారు. రుణ ప్రయత్నాలు ఫలిస్తాయి. దానధర్మాలకు ఖర్చు చేస్తారు. బహుమతులు ఇచ్చిపుచ్చుకుంటారు. సుబ్రహ్మణ్య స్వామిని దర్శించండి.

మిథునం (మే 21-జూన్‌ 21 మధ్య జన్మించిన వారు)

శ్రీవారు, శ్రీమతి వైఖరి ఉల్లాసం కలిగిస్తుంది. సమావేశాల్లో, వేడుకల్లో గౌరవ, మన్ననలు అందుకుంటారు. వేడుకల్లో పాల్గొంటారు. పందాలు, పోటీల్లో విజయం వరిస్తుంది. జనసంబంధాలు విస్తరిస్తాయి. ప్రత్యర్థులపై విజయం సాధిస్తారు.

కర్కాటకం (జూన్‌ 22 - జూలై 23 మధ్య జన్మించిన వారు)

సినీ, రాజకీయ రంగాల వారికి సంకల్పం నెరవేరుతుంది. విదేశీ గమన యత్నాలు ఫలిస్తాయి. గతంలో చేసిన శ్రమకు ఫలితం అందుకుంటారు. వృత్తి, వ్యాపారాలకు సంబంధించి రహస్య సమాచారం లభిస్తుంది. ఆరోగ్యం మెరుగవుతుంది.

సింహం (జూలై 24 - ఆగస్టు 23 మధ్య జన్మించిన వారు)

షాపింగ్‌ ఉల్లాసం కలిగిస్తుంది. సంతానం విషయంలో శుభపరిణామాలు సంభవం. ప్రేమలు ఫలిస్తాయి. ఆర్థిక విషయాల్లో ప్రియతముల సహకారం లభిస్తుంది. చిట్‌ఫండ్‌లు, బోధన, బ్యాంకింగ్‌, ప్రకటనల రంగాల వారికి ప్రోత్సాహకరం.

కన్య (ఆగస్టు 24 - సెప్టెంబరు 23 మధ్య జన్మించిన వారు)

ఉన్నత పదవులు అందుకుంటారు. పెద్దలు, తల్లిదండ్రుల సూచనలు సత్ఫలితాలనిస్తాయి. ఉద్యోగం విషయంలో కొత్త ఆలోచనలు చేస్తారు. పైఅధికారుల సహకారంతో లక్ష్యాలు సాధిస్తారు. వృత్తి, వ్యాపారాల్లో మార్పుల గురించి ఆలోచిస్తారు.

తుల (సెప్టెంబరు 24 - అక్టోబరు 23 మధ్య జన్మించిన వారు)

ఒక సమాచారం ఉల్లాసం కలిగిస్తుంది. ఏజెన్సీలు, మార్కెటింగ్‌, బోధన, రవాణా రంగాల వారికి కొత్త అవకాశాలు కనిపిస్తాయి. విద్యార్థులు లక్ష్యాలు సాధిస్తారు. ప్రయాణాలు, చర్చలు, విద్యా విషయాల్లో సత్ఫలితాలు సాధిస్తారు. సుబ్రహ్మణ్య అష్టకపారాయణ శుభప్రదం.

వృశ్చికం (అక్టోబరు 24 - నవంబరు 22 మధ్య జన్మించిన వారు)

రుణాలు మంజూరవుతాయి. ఆర్థిక వ్యవహారాల్లో శుభపరిణమాలు సంభవం. పెట్టుబడులు లాభిస్తాయి. వాయిదా పద్ధతులపై వస్తువులు కొనుగోలు చేస్తారు. బహుమతులు ఇచ్చిపుచ్చుకుంటారు. అదనపు ఆదాయం సమకూరుతుంది.

ధనుస్సు (నవంబరు 23 - డిసెంబరు 21 మధ్య జన్మించిన వారు)

జనసంబంధాలు విస్తరిస్తాయి. నలుగురిని కలుపుకుని కొత్త ప్రయోగాలు చేస్తారు. భాగస్వామి వైఖరి ఉల్లాసం కలిగిస్తుంది. పందాలు, పోటీల్లో విజయం సాధిస్తారు. సమావేశాలు, వేడుకలు ఉల్లాసం కలిగిస్తాయి. సంకల్పం నెరవేరుతుంది.

మకరం (డిసెంబరు 22-జనవరి 20 మధ్య జన్మించిన వారు)

ప్రముఖుల సహకారంతో లక్ష్యాలు సాధిస్తారు. సహోద్యోగుల ఆంతరంగిక విషయాలు చర్చకు వస్తాయి. సినీ, రాజకీయ రంగాల వారికి ప్రోత్సాహకరం. విందు వినోదాల్లో పాల్గొంటారు. వృత్తి, వ్యాపారాల్లో పట్టుదలతో లక్ష్యాలు సాధిస్తారు.

కుంభం (జనవరి 21 - ఫిబ్రవరి 19 మధ్య జన్మించిన వారు)

చిన్నారుల విషయాల్లో శుభపరిణామాలు సంభవం. బృందకార్యక్రమాలు, శుభకార్యాల్లో పాల్గొంటారు. ఆర్థిక పరిస్థితి ప్రోత్సాహకరం. ప్రియతముల కోసం విలువైన వుస్తువులు సమకూర్చుకుంటారు. పెట్టుబడులు లాభిస్తాయి. బహుమతులు అందుకుంటారు.

మీనం (ఫిబ్రవరి 20 - మార్చి 20 మధ్య జన్మించిన వారు)

పదిమందిలో గౌరవ, మన్ననలు అందుకుంటారు. బదిలీలు, మార్పులకు అనుకూల సమయం. తల్లిదండ్రుల ఆరోగ్యం మెరుగవుతుంది. ఉన్నత పదవుల కోసం చేసే ప్రయత్నాలు ఫలిస్తాయి. వృత్తి, వ్యాపారాల్లో మార్పులు, చేర్పులు లాభిస్తాయి. ఆంజనేయ స్వామి ఆరాధన మంచిది.