Horoscope : రాశిఫలాలు
ABN, Publish Date - Dec 31 , 2023 | 07:47 AM
నేడు (31-12-2023 - ఆదివారం) వృషభ రాశి వారు బంధుమిత్రులతో వేడుకల్లో పాల్గొంటారు. రియల్‌ ఎస్టేట్‌, నిర్మాణ రంగాల వారు గత అనుభవంతో లక్ష్యాలు సాధిస్తారు. కర్కాటకం రాశివారికి ఆర్థిక విషయాల్లో భాగస్వామి సహకారం లభిస్తుంది. జనసంబంధాలు విస్తరిస్తాయి.
నేడు (31-12-2023 - ఆదివారం) వృషభ రాశి వారు బంధుమిత్రులతో వేడుకల్లో పాల్గొంటారు. రియల్‌ ఎస్టేట్‌, నిర్మాణ రంగాల వారు గత అనుభవంతో లక్ష్యాలు సాధిస్తారు. కర్కాటకం రాశివారికి ఆర్థిక విషయాల్లో భాగస్వామి సహకారం లభిస్తుంది. జనసంబంధాలు విస్తరిస్తాయి. ధనుస్సు రాశివారికి రక్షణ, న్యాయ, బోధన, ఆడిటింగ్‌, ప్రకటనలు, ట్రావెల్‌ రంగాల వారికి ఆర్థికంగా ప్రోత్సాహకరమైన రోజు. ఇక మిగిలిన రాశుల ఫలితాలు ఎలా ఉన్నాయో చూద్దాం.
మేషం (మార్చి 21 - ఏప్రిల్‌ 20 మధ్య జన్మించిన వారు)
వేడుకలు ఉల్లాసం కలిగిస్తాయి. చిట్‌ఫండ్‌లు, బ్యాంకులతో లావాదేవీలు లాభిస్తాయు. బహుమతులు ఇచ్చిపుచ్చుకుంటారు. బోధన, ఆడిటింగ్‌, గార్మెంట్స్‌ రంగాల వారు ఆర్థిక విషయాల్లో నిదానం పాటించాలి. సంతతి విషయంలో సంకల్పం ఫలిస్తుంది. దుర్గా మాత ఆరాధన శుభప్రదం.
వృషభం (ఏప్రిల్‌ 21 - మే 20 మధ్య జన్మించిన వారు)
బంధుమిత్రులతో వేడుకల్లో పాల్గొంటారు. రియల్‌ ఎస్టేట్‌, నిర్మాణ రంగాల వారు గత అనుభవంతో లక్ష్యాలు సాధిస్తారు. దూరంలో వున్న కుటుంబ సభ్యులు ఇల్లు చేరతారు. బదిలీలు, మార్పులు కొంత అసౌకర్యం కలిగించే అవకాశం ఉంది. ఆదిత్య హృదయపారాయణ శుభప్రదం.
మిథునం (మే 21-జూన్‌ 21 మధ్య జన్మించిన వారు)
కమ్యూనికేషన్‌ రంగంలోని వారికి ఆర్థికంగా అనుకూలంగా ఉంటుంది. ఆర్థిక విషయాలకు సంబంధించిన చర్చలు, ప్రయాణాలు ఫలిస్తాయి. విలువైన పత్రాలు చేతికి అందుతాయి. ప్రియతముల ఆరోగ్యం కొంత ఆవేదన కలిగిస్తుంది. సూర్యదేవుని ఆరాధన శుభప్రదం.
కర్కాటకం (జూన్‌ 22 - జూలై 23 మధ్య జన్మించిన వారు)
ఆర్థిక విషయాల్లో భాగస్వామి సహకారం లభిస్తుంది. జనసంబంధాలు విస్తరిస్తాయి. విలువైన వస్తువులు కొనుగోలు చేస్తారు. అదనపు ఆదాయం లభిస్తుంది. బృందకార్యక్రమాల్లో ఖర్చులు అంచనాలు మించే అవకాశం ఉంది. ఆదిత్య హృదయ పారాయణ శుభప్రదం.
సింహం (జూలై 24 - ఆగస్టు 23 మధ్య జన్మించిన వారు)
వేడుకల్లో పాల్గొంటారు. ఆదాయం పెంపొందించుకునేందుకు ప్రయత్నిస్తారు. వ్యాపార రంగంలోని వారికి అనుకోని ఆటంకాలు ఎదురవుతాయి. ఆర్థిక వ్యవహారాల్లో సన్నిహితుల నుంచి ఒత్తిడి ఎదురయ్యే అవకాశం ఉంది. దుర్గామాత ఆరాధన శుభప్రదం.
కన్య (ఆగస్టు 24 - సెప్టెంబరు 23 మధ్య జన్మించిన వారు)
ఉన్నత విద్య, విదేశీ ప్రయాణాలకు అవసరమైన నిధులు సర్దుబాటవుతాయి. పెట్టుబడులు, పొదుపు పథకాలపై మంచి ప్రతిఫలం అందుకుంటారు. బంధుమిత్రులను కలుసుకుంటారు. తలపెట్టిన పనులు వాయిదా పడటంతో మనసు చికాకుగా ఉంటుంది.
తుల (సెప్టెంబరు 24 - అక్టోబరు 23 మధ్య జన్మించిన వారు)
బృందకార్యక్రమాలు, వేడుకలతో ఇల్లు సందడిగా వుంటుంది. మనసు ఉల్లాసంగా వుంటుంది. ఆర్థిక పరిస్థితి ప్రోత్సాహకరం. ప్రియతముల కోసం విలువైన వస్తువులు కొనుగోలు చేస్తారు. ఆర్థిక వ్యవహారాల్లో కుటుంబ సభ్యుల వైఖరి మనస్తాపం కలిగిస్తుంది.
వృశ్చికం (అక్టోబరు 24 - నవంబరు 22 మధ్య జన్మించిన వారు)
ఇంటర్వ్యూలకు హాజరవుతారు. బంధుమిత్రులతో ఉల్లాసంగా గడుపుతారు. పెద్దల ఆరోగ్యం కొంత ఆందోళన కలిగిస్తుంది. వృత్తి, వ్యాపారాల్లో ఊహించని రీతిలో కొన్ని అవాంతరాలు ఎదురయ్యే అవకాశం ఉంది. దుర్గాదేవి ఆరాధన శుభప్రదం.
ధనుస్సు (నవంబరు 23 - డిసెంబరు 21 మధ్య జన్మించిన వారు)
రక్షణ, న్యాయ, బోధన, ఆడిటింగ్‌, ప్రకటనలు, ట్రావెల్‌ రంగాల వారికి ఆర్థికంగా ప్రోత్సాహకరమైన రోజు. సకాలంలో డబ్బు చేతికి అందుతుంది. విలువైన వస్తువులు కొనుగోలు చేస్తారు. ఆర్థిక విషయాల్లో మీ వ్యూహాలు ఫలిస్తాయి. సేవాకార్యక్రమాల్లో పాల్గొనడం వల్ల సాంత్వన లభిస్తుంది.
మకరం (డిసెంబరు 22-జనవరి 20 మధ్య జన్మించిన వారు)
పెట్టుబడులపై మంచి ప్రతిఫలాలు అందుకుంటారు. షేర్లు, మ్యూచ్యువల్‌ ఫండ్‌ లావాదేవీలకు అనుకూలం. ఇన్‌స్టాల్‌మెంట్లు, లోన్‌లపై వస్తువుల కొనుగోలుకు అనుకూలం. పన్నుల వ్యవహారాల్లో అనుకోని చిక్కులు ఎదురయ్యే అవకాశం ఉంది. ఆదిత్య హృదయ పారాయణ శుభప్రదం.
కుంభం (జనవరి 21 - ఫిబ్రవరి 19 మధ్య జన్మించిన వారు)
శ్రీవారు, శ్రీమతితో చర్చలు, ప్రయాణాలు ఉల్లాసం కలిగిస్తాయి. శుభకార్యాల్లో పాల్గొంటారు. స్పెక్యులేషన్లు లాభిస్తాయి. జనసంబంధాలు విస్తరిస్తాయి. సంకల్పం ఫలిస్తుంది. ప్రియతముల వైఖరి కొంత ఆవేదన కలిగిస్తుంది. దుర్గాదేవి ఆరాధన శుభప్రదం.
మీనం (ఫిబ్రవరి 20 - మార్చి 20 మధ్య జన్మించిన వారు)
విందు వినోదాల్లో పాల్గొంటారు. వ్యవసాయం, పరిశ్రమలు, హోటల్‌, ఆస్పత్రి రంగాల వారికి ఆర్థిక పరిస్థితి ప్రోత్సాహకరంగా వుంటుంది. సహోద్యోగుల సహకారం లోపించడంతో లక్ష్య సాధనలో ఇబ్బందులు పడతారు. అదనపు ఆదాయం లభిస్తుంది. సేవాకార్యక్రమంలో పాల్గొనండి.
- బిజుమళ్ళ బిందుమాధవ శర్మ
Updated Date - Dec 31 , 2023 | 07:50 AM
