Naveen Chandra: తండ్రి కాబోతున్న టాలీవుడ్ హీరో
ABN, First Publish Date - 2023-02-15T14:31:38+05:30
హీరోగా నటిస్తూనే కొత్త రకం పాత్రలను పోషిస్తున్న నటుడు నవీన్ చంద్ర (Naveen Chandra). అందాల రాక్షసి (Andala Rakshasi) తో సినీ ఇండస్ట్రీకి ఎంట్రీ ఇచ్చారు.
హీరోగా నటిస్తూనే కొత్త రకం పాత్రలను పోషిస్తున్న నటుడు నవీన్ చంద్ర (Naveen Chandra). ‘అందాల రాక్షసి’ (Andala Rakshasi) తో సినీ ఇండస్ట్రీకి ఎంట్రీ ఇచ్చారు. ‘నేను లోకల్’ (Nenu Local), ‘అరవింద సమేత వీరరాఘవ’ (Aravinda Sametha Veera Raghava) లో తన పాత్రలతో ప్రేక్షకులను మెస్మరైజ్ చేశారు. ఈ టాలీవుడ్ హీరో అభిమానులకు గుడ్ న్యూస్ చెప్పారు. త్వరలోనే తండ్రి కాబోతున్నట్టు వెల్లడించారు. ఈ విషయాన్ని సోషల్ మీడియా వేదికగా అభిమానులతో పంచుకున్నారు.
‘‘బేబీ మూన్. మా చేతుల్లోకి నిన్ను ఎప్పుడెప్పుడు తీసుకుంటామా అని ఎదురు చూస్తున్నాను. తండ్రిగా ప్రమోషన్ పొందుతున్నందుకు సంతోషంగా ఉన్నాను. కొత్త జీవితం, కొత్త ప్రయాణం, కొత్త దశ!’’ అని నవీన్ చంద్ర సోషల్ మీడియాలో పోస్ట్ పెట్టారు. భార్య బేబీ బంప్ ఫొటోలను కూడా షేర్ చేశారు. నవీన్ శుభవార్తను తెలపడంతో సెలబ్రిటీలతో పాటు, సామాన్యులు శుభాకాంక్షలను తెలిపారు. ఇక నవీన్ చంద్ర కెరీర్ విషయానికి వస్తే.. చివరగా ‘రంగ రంగ వైభవంగా’, ‘అమ్ము’ వంటి చిత్రాల్లో కనిపించారు. ప్రస్తుతం ఓ బై లింగ్విల్ మూవీలో నటిస్తున్నారు. ఈ సినిమాలో అమృతా అయ్యర్, వాణీ భోజన్ హీరోయిన్స్‌గా నటిస్తున్నారు.
Updated Date - 2023-02-15T14:31:39+05:30 IST