SRHvsLSG IPL2023: సన్‌రైజర్స్ ఫ్యాన్స్ ఎదురుచూస్తున్న ఆటగాళ్లు వచ్చేశారు.. ఈ రోజయినా తలరాత మారేనా?.. ఇరు జట్లను అంచనా వేస్తే...
ABN, First Publish Date - 2023-04-07T12:54:54+05:30
ఈ ఐపీఎల్ (IPL 2023)ను సన్‌రైజర్స్ హైదరాబాద్ (SRH) జట్టు చాలా పేలవంగా ఆరంభించింది. ఇప్పటివరకు ఆడిన రెండు మ్యాచ్‌ల్లోనూ ఘోరంగా ఓడిపోయింది.
ఈ ఐపీఎల్ (IPL 2023)ను సన్‌రైజర్స్ హైదరాబాద్ (SRH) జట్టు చాలా పేలవంగా ఆరంభించింది. ఇప్పటివరకు ఆడిన రెండు మ్యాచ్‌ల్లోనూ ఘోరంగా ఓడిపోయింది. పాయింట్ల పట్టికలో అట్టడుగు స్థానంలో ఉంది. ఈ రోజు (శుక్రవారం) సాయంత్రం జరిగే మ్యాచ్‌లో లక్నో సూపర్ జెయింట్స్ టీమ్ (LSG)తో హైదరాబాద్ జట్టు తలపడబోతోంది.
గత మ్యాచ్‌లతో పోలిస్తే ఈ మ్యాచ్‌లో (LSGvsSRH) హైదరాబాద్ కొంచెం బలంగా కనిపిస్తోంది. కెప్టెన్‌తో పాటు మరో ఇద్దరు ఆటగాళ్లు టీమ్‌తో జాయిన్ అవడం హైదరాబాద్ ఫేట్ మారుస్తోందేమో చూడాలి. కెప్టెన్ ఐదెన్ మార్‌క్రమ్ (Aiden Markram), టీ-20 స్పెషలిష్ట్ ఆటగాళ్లు హెన్రిచ్, మార్కో జన్సేన్ జట్టుతో జాయిన్ అయ్యారు. వీరి రాకతో సన్‌రైజర్స్ టీమ్ కాస్త బలంగా కనిపిస్తోంది. బౌలింగ్ విభాగం కూడా హైదరాబాద్‌కు తలనొప్పులు కలిగిస్తోంది. సీనియర్ పేసర్ భువనేశ్వర్ కుమార్ పేస్ దళాన్ని నడిపించడంలో విఫలమవుతున్నాడు.
IPL 2023: ఐపీఎల్‌కు గాయాల బెడద.. సీజన్ మొత్తానికి దూరమైన కీలక ఆటగాళ్లు..
మరోవైపు లక్నోకు కూడా కీలక ఆటగాడు డికాక్ (Quinton de Kock) తోడయ్యాడు. భీకర్ ఫామ్‌లో ఉన్న కైల్ మేయర్స్‌తో కలిసి ఈ రోజు జరిగే మ్యాచ్‌లో డికాక్ ఓపెనర్‌గా దిగే అవకాశాలు కనిపిస్తున్నాయి. డికాక్ కూడా ప్రస్తుతం మంచి ఫామ్‌లో ఉన్నాడు. వీరిద్దరూ చెలరేగితే మాత్రం హైదరాబాద్‌కు కష్టాలు తప్పవు. ఐపీఎల్‌లో సన్‌రైజర్స్, లక్నో టీమ్‌లు ఇప్పటివరకు ఒక్కసారి మాత్రమే తలపడ్డాయి. ఆ మ్యాచ్‌లో సన్‌రైజర్స్‌ను 12 పరుగుల తేడాతో లక్నో టీమ్ ఓడించింది.
Updated Date - 2023-04-07T13:15:15+05:30 IST