IPL 2023: వరుస ఓటముల హైదరాబాద్‌కు మరో భారీ షాక్!
ABN, First Publish Date - 2023-04-27T15:07:59+05:30
వరుస ఓటములతో సతమతమవుతున్న సన్‌ రైజర్స్ హైదరాబాద్ (Sun Risers Hyderabad) జట్టుకు
హైదరాబాద్: వరుస ఓటములతో సతమతమవుతున్న సన్‌ రైజర్స్ హైదరాబాద్ (Sun Risers Hyderabad) జట్టుకు మరో భారీ షాక్ తగిలింది. తొడకండరాల గాయం కారణంగా ఆ జట్టు ఆల్‌రౌండర్ వాషింగ్టన్ సుందర్ (Washington Sunder) ఐపీఎల్ (IPL 2023) సీజన్‌ మొత్తానికి దూరమయ్యాడు. ఈ సీజన్‌లో అంతగా రాణించలేకపోయిన సుందర్.. ఢిల్లీతో మ్యాచ్‌లో మాత్రం అటు బౌలింగులోను, ఇటు బ్యాటింగులోనూ రాణించాడు.
ఆ మ్యాచ్‌లో సుందర్ నాలుగు ఓవర్లు వేసి 28 పరుగులు మాత్రమే ఇచ్చి మూడు వికెట్లు తీసుకున్నాడు. ఇందులో డేవిడ్ వార్నర్ వంటి బిగ్ వికెట్‌తోపాటు సర్ఫరాజ్ ఖాన్, అమన్ ఖాన్ కూడా అతడి బాధితులుగా మారారు. ఆ తర్వాత బ్యాటింగులోనూ సత్తా చాటాడు. 15 బంతుల్లో 24 పరుగులు చేశాడు. ఇందులో మూడు బౌండరీలు ఉన్నాయి.
ఇప్పుడు గాయం కారణంగా ఐపీఎల్ మిగతా మ్యాచ్‌లకు పూర్తిగా దూరమయ్యాడు. ఈ మేరకు హైదరాబాద్ యాజమాన్యం ట్విట్టర్ ద్వారా తెలిపింది. ఇప్పటి వరకు సుందర్ ఏడు మ్యాచ్‌లు ఆడి 60 పరుగులు చేశాడు. మూడు వికెట్లు తీసుకున్నాడు.
Updated Date - 2023-04-27T15:07:59+05:30 IST