పాక్‌కు చావోరేవో..!
ABN, First Publish Date - 2023-10-27T02:31:31+05:30
హ్యాట్రిక్‌ ఓటములతో డీలాపడ్డ పాకిస్థాన్‌.. వరల్డ్‌కప్‌ ఆశలను సజీవంగా నిలబెట్టుకోవడానికి తంటాలు పడుతోంది. భారీ విజయాలతో నాకౌట్‌ దిశగా దూసుకెళ్తున్న సౌతాఫ్రికాతో శుక్రవారం జరిగే మ్యాచ్‌...
నేడు సౌతాఫ్రికాతో పోరు
చెన్నై: హ్యాట్రిక్‌ ఓటములతో డీలాపడ్డ పాకిస్థాన్‌.. వరల్డ్‌కప్‌ ఆశలను సజీవంగా నిలబెట్టుకోవడానికి తంటాలు పడుతోంది. భారీ విజయాలతో నాకౌట్‌ దిశగా దూసుకెళ్తున్న సౌతాఫ్రికాతో శుక్రవారం జరిగే మ్యాచ్‌ పాక్‌కు చావోరేవో లాంటిది. ఈ పోరులో ఓడితే టోర్నీలో పాక్‌ కథ దాదాపు ముగిసినట్టే. బాబర్‌ ఆజమ్‌ సారథ్యంపై కూడా వేటు పడే అవకాశం ఉంది. బ్యాటింగ్‌లో ఓ మాదిరి ప్రదర్శన చేస్తున్న పాక్‌.. బౌలింగ్‌, ఫీల్డింగ్‌ ఘోరంగా ఉన్నాయి. స్పిన్‌కు సహకరించే చెపాక్‌ పిచ్‌పై నాణ్యత గల స్పిన్నర్లు జట్టులో లేకపోవడం పాక్‌కు పెద్ద మైన్‌స. షాదాబ్‌, ఉసామ ఏమాత్రం ప్రభావం చూపలేకపోతుండగా.. పేసర్‌ హరీస్‌ రౌఫ్‌ ధారాళంగా పరుగులిస్తున్నాడు. కాగా, ఆడిన ఐదు మ్యాచ్‌ల్లో నాలుగు నెగ్గిన దక్షిణాఫ్రికా సెమీస్‌ బెర్త్‌ రేసులో దూసుకెళ్తోంది. డికాక్‌, క్లాసెన్‌, మార్‌క్రమ్‌ భీకర ఫామ్‌లో ఉండడంతో ఈ మ్యాచ్‌లో సఫారీలు ఫేవరెట్‌గా కనిపిస్తున్నారు.
Updated Date - 2023-10-27T02:31:31+05:30 IST