Naveen Ul Haq: కోహ్లీతో పెట్టుకుంటే అలాగే ఉంటుంది.. నవీన్-ఉల్‌ను టీజ్ చేసిన కోహ్లీ ఫ్యాన్స్.. రియాక్షన్ ఏంటంటే..
ABN, First Publish Date - 2023-05-21T12:21:35+05:30
ఐపీఎల్‌లో లఖ్‌నవూ సూపర్ జెయింట్స్ టీమ్‌ను విరాట్ కోహ్లీ అభిమానుల వెంటాడి వేధిస్తున్నారు. ప్రత్యర్థి మారుతున్నా, వేదిక మారుతున్నా.. కోహ్లీ అభిమానులు మాత్రం లఖ్‌నవూ బౌలర్ నవీన్-ఉల్-హక్‌పై తమ వ్యక్తం చేస్తూనే ఉన్నారు.
ఐపీఎల్‌లో (IPL 2023) లఖ్‌నవూ సూపర్ జెయింట్స్ (LSG) టీమ్‌ను విరాట్ కోహ్లీ (Virat Kohli) అభిమానులు వెంటాడి వేధిస్తున్నారు. ప్రత్యర్థి మారుతున్నా, వేదిక మారుతున్నా.. కోహ్లీ అభిమానులు మాత్రం లఖ్‌నవూ బౌలర్ నవీన్-ఉల్-హక్‌పై (Naveen Ul Haq) ఆగ్రహం వ్యక్తం చేస్తూనే ఉన్నారు. గతంలో లఖ్‌నవూ, రాయల్ ఛాలెంజర్స్ బెంగళూరు జట్ల మధ్య మ్యాచ్ (LSGvsRCB) జరిగినపుడు కోహ్లీతో నవీన్, గంభీర్ గొడవ పడిన సంగతి తెలిసిందే. ఆ తర్వాత వారిద్దరూ సోషల్ మీడియా ద్వారా కోహ్లీని పరోక్షంగా ఉద్దేశిస్తూ పోస్ట్‌లు చేశారు.
నవీన్-ఉల్-హక్ మరికాస్త దూకుడుగా వ్యవహరిస్తుండడంతో అతడిని కోహ్లీ ఫ్యాన్స్ (Kohli Fans) టార్గెట్ చేశారు. తాజాగా కోల్‌కతా వేదికగా కేకేఆర్‌తో లఖ్‌నవూ టీమ్ తలపడింది (KKRvsLSG). ఈ మ్యాచ్‌లో నవీన్-ఉల్-హక్ బౌలింగ్‌కు వచ్చినపుడు ప్రేక్షకులు ``కోహ్లీ.. కోహ్లీ..`` అని కేకలు వేసి తమ నిరసనను తెలియజేశారు. కోహ్లీ అభిమానుల చర్యతో తీవ్ర ఆగ్రహానికి గురైన నవీన్ ఉల్ హక్ వారిని మరోసారి గెలికాడు. తన జట్టు మెంటార్ గంభీర్ తరహాలో ``గప్ చుప్`` అని సైగలు చేస్తూ నోటిపై వేలు వేసి అభినయించాడు.
MS Dhoni: ధోనీకి కోపం వచ్చింది.. మైదానంలో జడేజాతో వాగ్వాదం.. వైరల్ అవుతున్న వీడియో..
నవీన్ ఉల్ హక్ చేసిన పనితో ఆగ్రహానికి గురైన అభిమానులు.. ``కోహ్లీ.. కోహ్లీ..`` అంటూ మరింత గట్టిగా అరిచారు. గతంలో చెన్నై, హైదరాబాద్‌ల్లో కూడా అభిమానుల నుంచి నవీన్-ఉల్-హక్‌కు ఇదే తరహా నిరసన ఎదురైంది. ఇటీవల కోహ్లీ సెంచరీ చేసిన తర్వాత సోషల్ మీడియాలో నవీన్‌ను గేలి చేస్తూ ఎన్నో వందల మీమ్స్ వైరల్ అయ్యాయి.
Updated Date - 2023-05-21T12:21:35+05:30 IST