Shah Rukh Khan: కోల్‌కతా జట్టు కోసం మైదానంలోకి షారూక్.. బాద్ షా రాకతో కోల్‌కతా గేరు మారుస్తుందా?
ABN, First Publish Date - 2023-04-04T11:57:21+05:30
దాదాపు మూడేళ్ల విరామం తర్వాత కోల్‌కతా నైట్ రైడర్స్ జట్టు తమ స్వంత మైదానం ఈడెన్ గార్డెన్స్‌లో ఆడబోతోంది.
దాదాపు మూడేళ్ల విరామం తర్వాత కోల్‌కతా నైట్ రైడర్స్ (KKR) జట్టు తమ స్వంత మైదానం ఈడెన్ గార్డెన్స్‌లో (Eden Gardens) ఆడబోతోంది. ఈ సీజన్‌ (IPL 2023) తొలి మ్యాచ్‌లో పంజాబ్ చేతిలో (PBKS) ఓడిన కోల్‌కతా టీమ్.. గురువారం జరగబోయే మ్యాచ్‌లో రాయల్ ఛాలెంజర్స్ బెంగళూరుతో (RCB) ఆడబోతోంది. ఆ మ్యాచ్ కోసం బాలీవుడ్ బాద్ షా, కోల్‌కతా టీమ్ ఓనర్ షారూక్ ఖాన్ (Shah Rukh Khan) ఈడెన్ గార్డెన్స్‌కు రాబోతున్నాడు. కోహ్లీ (Virat Kohli) సేనతో మ్యాచ్ సమయంలో తన జట్టును ఉత్తేజపరచనున్నాడు.
మ్యాచ్ జరిగే గురువారం నాడే షారూక్ కోల్కతాకు రాబోతున్నాడట. మ్యాచ్‌కు ముందు ఆటగాళ్లతో షారూక్ మాట్లాడతాడట. షారూక్‌తో పాటు పలువురు బాలీవుడ్ (Bollywood) సెలబ్రిటీలు కూడా ఈ మ్యాచ్ చూసేందుకు రాబోతున్నట్టు సమాచారం. మూడేళ్లుగా కోల్కతాకు ఐపీఎల్ దూరం కావడంతో షారూక్ కూడా ఈడెన్ గార్డెన్స్‌కు రాలేదు. చాలా రోజుల తర్వాత వస్తున్న షారూక్‌ను చూసేందుకు కోల్‌కతా ఫ్యాన్స్ సిద్ధమవుతున్నారు. ఈ నేపథ్యంలో ఈడెన్ గార్డెన్స్ వద్ద భారీ బందోబస్తు ఏర్పాటు చేశారు.
Dhoni: ఆడింది మూడు బంతులే.. వినోదం మాత్రం మూడు రెట్లు.. జియో సినిమాకు కోట్లలో వ్యూస్..
స్వంత మైదానంలో జరుగుతున్న మ్యాచ్‌లో ఎలాగైనా గెలవాలని నితీష్ రాణా నేతృత్వంలోని కోల్‌కతా జట్టు కృత నిశ్చయంతో ఉంది. గత శనివారం పంజాబ్‌తో జరిగిన మ్యాచ్‌లో కోల్‌కతాను వర్షం దెబ్బతీసింది. ఆ మ్యాచ్‌లో డక్‌వర్త్ లూయిస్ ప్రకారం కోల్‌కతాపై పంజాబ్ 7 పరుగుల తేడాతో గెలుపొందింది.
Updated Date - 2023-04-04T11:57:21+05:30 IST