DCvsGT: వామ్మో.. రాహుల్ కళ్లు చెదిరే క్యాచ్.. ఈ వీడియో చూస్తే మెచ్చుకోకుండా ఉండలేరు..!
ABN, First Publish Date - 2023-04-05T08:49:38+05:30
ఐపీఎల్ (IPL 2023) మ్యాచ్‌ల్లో ఆటగాళ్లు తమ అద్భుత ఫీల్డింగ్ నైపుణ్యాలతో ఆకట్టుకుంటున్నారు. నమ్మశక్యం కాని క్యాచ్‌లను తీసుకుని మ్యాచ్‌లను గెలిపిస్తున్నారు.
ఐపీఎల్ (IPL 2023) మ్యాచ్‌ల్లో ఆటగాళ్లు తమ అద్భుత ఫీల్డింగ్ నైపుణ్యాలతో ఆకట్టుకుంటున్నారు. నమ్మశక్యం కాని క్యాచ్‌లను (Super Catch) తీసుకుని మ్యాచ్‌లను గెలిపిస్తున్నారు. తాజాగా ఢిల్లీ క్యాపిటల్స్‌తో (DC) జరిగిన మ్యాచ్‌లో గుజరాత్ టైటాన్స్ (GT) ఆటగాడు రాహుల్ తెవాటియా (Rahul Tewatia) డైవ్ చేస్తూ మంచి క్యాచ్ అందుకున్నాడు. ఆ వీడియో సోషల్ మీడియాలో వైరల్ (Viral Video) అవుతోంది.
టాస్‌ ఓడి బ్యాటింగ్‌కు దిగిన ఢిల్లీని ఆరంభంలో గుజరాత్ పేసర్లు బెంబేలెత్తించారు. ముందు మహ్మద్ షమీ ఢిల్లీ టాపార్డర్ బ్యాట్స్‌మెన్ పృథ్వీ షా, మిచెల్ మార్ష్‌ను వెనక్కి పంపాడు. ఆ తర్వాత వచ్చిన పేసర్ జోసెఫ్ ప్రమాదకర డేవిడ్ వార్నర్‌ను బౌల్డ్ చేశాడు. ఆ వెంటనే రోసోను కూడా అవుట్ చేశాడు. అయితే ఆ అవుట్ క్రెడిట్ మాత్రం పూర్తిగా రాహుల్‌కే దక్కుతుంది. జోసెఫ్ వేసిన షార్ట్ పిచ్ బంతి రోసో బ్యాట్‌కు తగిలి గాల్లోకి లేచింది. సెకెన్ల వ్యవధిలో స్పందించిన రాహుల్ పాయింట్‌లో డైవ్ చేస్తూ కళ్లు చెదిరే క్యాచ్ అందుకున్నాడు.
Rishabh Pant: ఢిల్లీ కోసం పంత్ వచ్చాడు.. స్టేడియంలో సందడి చేశాడు..!
ఆ బాల్ ముందు గ్రౌండ్‌కు తగిలినట్టు అంపైర్లు అనుమానించారు. అయితే రాహుల్ ఆ బాల్‌ను గాల్లో ఉండగానే పట్టుకున్నట్టు రీప్లేలో స్పష్టంగా కనిపించింది. దీంతో రోసో తొలి బంతికే అవుటై గోల్డెన్ డక్‌గా వెనుదిరిగాడు. రాహుల్ క్యాచ్ పట్టిన ఆ వీడియో సోషల్ మీడియాలో వైరల్ అవుతోంది. మంగళవారం జరిగిన ఈ మ్యాచ్‌లో (DCvsGT) ఢిల్లీ క్యాపిటల్స్‌పై గుజరాత్ టీమ్ 6 వికెట్ల తేడాతో నెగ్గింది.
Updated Date - 2023-04-05T08:49:38+05:30 IST