Virat Kohli: ఈడెన్‌లో ``కింగ్స్`` సందడి.. కోహ్లీ చేత డ్యాన్స్ వేయించిన షారుక్.. వైరల్ అవుతున్న వీడియో!
ABN, First Publish Date - 2023-04-07T13:18:50+05:30
బాలీవుడ్ బాద్ షా, కింగ్ ఖాన్ షారుక్ ఖాన్, టీమిండియా స్టార్ క్రికెటర్,``కింగ్`` కోహ్లీ ఈడెన్ గార్డెన్స్‌లో సందడి చేశారు.
బాలీవుడ్ బాద్ షా, కింగ్ ఖాన్ షారుక్ ఖాన్ (Shah Rukh Khan), టీమిండియా స్టార్ క్రికెటర్,``కింగ్`` కోహ్లీ (Virat Kohli) ఈడెన్ గార్డెన్స్‌లో (Eden Gardens) సందడి చేశారు. గురువారం రాత్రి ఈడెన్ గార్డెన్‌లో కోల్‌కతా నైట్ రైడర్స్ (KKR), రాయల్ ఛాలెంజర్స్ బెంగళూరు (RCB) మధ్య ఐపీఎల్ (IPL 2023) మ్యాచ్ జరిగింది. ఈ మ్యాచ్‌లో కేకేఆర్ జట్టు 81 పరుగుల తేడాతో ఆర్సీబీపై ఘన విజయం సాధించింది. ఈ మ్యాచ్‌ను వీక్షించేందుకు కోల్‌కతా నైట్ రైడర్స్ సహ యాజమాని షారుక్ తన కుమార్తె సహానా ఖాన్ కలిసి వచ్చాడు.
మ్యాచ్ జరుగుతున్నంత షారుక్, సుహానా కేకేఆర్ జట్టుకు మద్దతుగా ఈడెన్ గార్డెన్స్‌లో సందడి చేశారు. ఆర్సీబీపై విజయం సాధించిన తర్వాత కేకేఆర్ ఆటగాళ్లను అభినందించేందుకు షారుక్ మైదానంలోకి వచ్చాడు. అక్కడే ఉన్న కోహ్లీని చూసి పరిగెత్తుకుంటూ వెళ్లి కౌగిలించుకున్నాడు. అతడి బుగ్గలు నిమురుతూ సరదాగా ఆటపట్టించాడు. ఇద్దరూ కొద్దిసేపు మాట్లాడుకున్న తర్వాత ``పఠాన్`` (Pathaan) సినిమాలోని పాటకు కోహ్లీ చేత షారుక్ డ్యాన్స్ చేయించాడు.
SRHvsLSG IPL2023: సన్‌రైజర్స్ ఫ్యాన్స్ ఎదురుచూస్తున్న ఆటగాళ్లు వచ్చేశారు.. ఈ రోజయినా తలరాత మారేనా?.. ఇరు జట్లను అంచనా వేస్తే...
వైరల్ సాంగ్ ``జూమ్ జో పఠాన్`` (Jhoome Jo Pathaan) పాటకు కోహ్లీ, షారుక్ డ్యాన్స్ చేశారు. ఆ పాటకు డ్యాన్స్ ఎలా వేయాలో కోహ్లీకి షారుక్ నేర్పించాడు. వారిద్దరూ కలిసి ఉన్న ఫొటోలు, వీడియోలు సోషల్ మీడియాలో వైరల్ అవుతున్నాయి. షారుక్ నటించిన ``పఠాన్`` సినిమా ఇటీవల విడుదలై సంచలన విజయం సాధించిన సంగతి తెలిసిందే.
Updated Date - 2023-04-07T13:18:50+05:30 IST