Shubman Gill: నువ్వు బౌలింగ్ వేస్తే సిక్స్ కొడతానని చెప్పా.. సెంచరీ అనంతరం శుభమన్ వ్యాఖ్యలు!
ABN, First Publish Date - 2023-05-16T09:10:32+05:30
గతేడాది ఛాంపియన్ టీమ్ గుజరాత్ టైటాన్స్ ఈ సీజన్‌లోనూ అదరగొడుతోంది. ఈ సీజన్‌లో ప్లేఆఫ్స్‌లో అడుగుపెట్టిన తొలి జట్టుగా గుజరాత్ టైటాన్స్ నిలిచింది. సోమవారం సన్రైజర్స్ హైదరాబాద్తో జరిగిన మ్యాచ్‌లో గుజరాత్ టీమ్ 34 పరుగుల తేడాతో విజయం సాధించింది.
గతేడాది ఛాంపియన్ టీమ్ గుజరాత్ టైటాన్స్ (GT) ఈ సీజన్‌లోనూ అదరగొడుతోంది. ఈ సీజన్‌లో ప్లేఆఫ్స్‌లో అడుగుపెట్టిన తొలి జట్టుగా గుజరాత్ టైటాన్స్ నిలిచింది. సోమవారం సన్రైజర్స్ హైదరాబాద్తో జరిగిన మ్యాచ్‌లో (GTvsSRH) గుజరాత్ టీమ్ 34 పరుగుల తేడాతో విజయం సాధించింది. ఈ విజయం ప్లే ఆఫ్స్ బెర్తును ఖరారు చేసుకుంది. ఈ మ్యాచ్‌లో గుజరాత్ ఓపెనర్ శుభ్‌మన్ గిల్ (Shubman Gill) సెంచరీతో అదరగొట్టాడు. 58 బంతుల్లో 13 ఫోర్లు, 1 సిక్స్‌తో 101 పరుగులు చేశాడు.
ఐపీఎల్‌లో గిల్‌కు ఇదే తొలి సెంచరీ (Gill Century). సన్రైజర్స్ హైదరాబాద్తో మ్యాచ్‌లో సెంచరీ సాధించడంపై మ్యాచ్ అనంతరం గిల్ మాట్లాడాడు. ``సన్రైజర్స్ హైదరాబాద్తో జరిగిన మ్యాచ్ ద్వారానే నేను ఐపీఎల్ అరంగేట్రం చేశాను. ఇప్పుడు నా తొలి సెంచరీ కూడా అదే టీమ్‌పై చేశాను. నా జీవితంలో ఓ సర్కిల్ పూర్తయినట్టు అనిపిస్తోంది. భవిష్యత్తులో ఇలాంటి సెంచరీలు మరిన్ని చేస్తాను. అభిషేక్ శర్మ (Abhishek Sharma) బౌలింగ్‌లో సిక్స్ కొట్టడం చాలా మజా ఇచ్చింది. నేను నీ బౌలింగ్‌లో ఆడితే కచ్చితంగా సిక్స్ కొడతాను అని అభిషేక్‌కు చెప్పాన``ని గిల్ పేర్కొన్నాడు. గతంలో పంజాబ్ స్టేట్ టీమ్‌కు గిల్, అభిషేక్ ఓపెనర్లుగా ఆడేవారు.
Sunil Gavaskar: షర్ట్ మీద కాదు.. గుండెల్లో.. ధోనీ ఆటోగ్రాఫ్ తీసుకున్న దిగ్గజ ఆటగాడు సునీల్ గవాస్కర్!
సోమవారం జరిగిన మ్యాచ్‌లో ముందుగా బ్యాటింగ్‌కు దిగిన గుజరాత్ 20 ఓవర్లలో 9 వికెట్లకు 188 పరుగులు చేసింది. గిల్ (101) సెంచరీ సాధించగా, సాయి సుదర్శన్‌ (47) ఆకట్టుకున్నాడు. భువనేశ్వర్‌ ఐదు వికెట్లతో మెరిశాడు. ఆ తర్వాత ఛేదనలో సన్రైజర్స్ 20 ఓవర్లలో 9 వికెట్లకు 154 పరుగులు చేసి ఓడింది. క్లాసెన్‌ (44 బంతుల్లో 4 ఫోర్లు, 3 సిక్సర్లతో 64), భువనేశ్వర్‌ (27) మాత్రమే రాణించారు. మ్యాన్‌ ఆఫ్‌ ద మ్యాచ్‌గా గిల్ నిలిచాడు.
Updated Date - 2023-05-16T09:10:32+05:30 IST