Suryakumar Yadav: సూర్యకుమార్ యాదవ్‌కు ఏమైంది? నెల రోజుల్లో నాలుగోసారి గోల్డెన్ డక్.. ఫ్యాన్స్ విమర్శలు
ABN, First Publish Date - 2023-04-12T08:17:37+05:30
సంచలన బ్యాటింగ్‌తో తెర మీదకు వచ్చిన సూర్యకుమార్ యాదవ్ 2022లో పరుగుల వరద పారించాడు. అటు అంతర్జాతీయ క్రికెట్‌లోనూ, ఇటు ఐపీఎల్‌లోనూ రికార్డు స్థాయిలో పరుగులు చేశాడు.
సంచలన బ్యాటింగ్‌తో తెర మీదకు వచ్చిన సూర్యకుమార్ యాదవ్ (Suryakumar Yadav) 2022లో పరుగుల వరద పారించాడు. అటు అంతర్జాతీయ క్రికెట్‌లోనూ, ఇటు ఐపీఎల్‌లోనూ (IPL) రికార్డు స్థాయిలో పరుగులు చేశాడు. టీ-20 క్రికెట్‌లో ప్రపంచ నెంబర్ వన్ బ్యాట్స్‌మెన్ అనిపించుకున్నాడు. మైదానంలో నలువైపులా షాట్లు కొడుతూ ``మిస్టర్ 360`` అని అభిమానుల ప్రశంసలు అందుకున్నాడు. అయితే గత నెల రోజులుగా మాత్రం పేలవ ప్రదర్శనతో విసిగిస్తున్నాడు. ఫామ్ కోల్పోయి తంటాలు పడుతున్నాడు.
తాజాగా ఢిల్లీ క్యాపిటల్స్‌తో (DC) జరిగిన మ్యాచ్‌లో నాలుగో స్థానంలో బ్యాటింగ్‌కు వచ్చిన ముంబై (MI) బ్యాటర్ సూర్య పరుగులేమీ చేయకుండానే వెనుదిరిగాడు. ఎదుర్కొన్న తొలి బంతికే అవుటయ్యాడు (Golden DUCK). గత ఆరు మ్యాచ్‌ల్లో సూర్య ఇలా సున్నా పరుగులకే అవుట్ కావడం ఇది నాలుగోసారి. ఈ నాలుగు సార్లూ సూర్య తను ఎదుర్కొన్న తొలి బంతికే అవుటై వెనుదిరిగాడు. గత ఆరు మ్యాచ్‌ల్లో సూర్య 0 (1), 0 (1), 0 (1), 15 (16), 1 (2), 0 (1) పరుగులు మాత్రమే చేశాడు.
Dinesh Karthik: సారీ ధోనీ అంటూ కార్తీక్‌పై భారీగా ట్రోలింగ్.. ఆ బాల్ కనుక పట్టి ఉంటే..
ఆస్ట్రేలియాతో జరిగిన వన్డే సిరీస్ నుంచి సూర్యకు బ్యాడ్ టైమ్ స్టార్ట్ అయింది. ఆ సిరీస్‌లో సూర్య ఒక్క పరుగు కూడా చేయలేదు. పైగా అన్ని మ్యాచ్‌ల్లోనూ తను ఎదుర్కొన్న తొలి బంతికే అవుటై పెవిలియన్ చేరాడు. ప్రస్తుత ఐపీఎల్‌లో కూడా అతడి రాత మారలేదు. త్వరలో ప్రపంచకప్ (World Cup) ప్రారంభం కాబోతున్న నేపథ్యంలో సూర్య త్వరగా ఫామ్‌లోకి రావాలని టీమిండియా మేనేజ్‌మెంట్ ఆశిస్తోంది. సూర్య పేలవ ప్రదర్శనపై అభిమానులు విమర్శలు గుప్పిస్తున్నారు.
Updated Date - 2023-04-12T08:17:37+05:30 IST