IPL 2023: ఢిల్లీలో ఐపీఎల్ మ్యాచ్‌కు యాపిల్ సీఈవో హాజరు.. బాలీవుడ్ నటి సోనమ్ కపూర్‌తో కలిసి మ్యాచ్ ఎంజాయ్ చేసిన టిమ్ కుక్!
ABN, First Publish Date - 2023-04-21T08:25:36+05:30
యాపిల్ సీఈవో (Apple CEO) టిమ్ కుక్ (Tim Cook) ప్రస్తుతం భారత్‌లో పర్యటిస్తున్నారు. యాపిల్ స్టోర్స్ విస్తరణలో భాగంగా ఆయన ప్రస్తుతం భారత్‌లో పలు నగరాల్లో సందడి చేస్తున్నారు.
యాపిల్ సీఈవో (Apple CEO) టిమ్ కుక్ (Tim Cook) ప్రస్తుతం భారత్‌లో పర్యటిస్తున్నారు. యాపిల్ స్టోర్స్ విస్తరణలో భాగంగా ఆయన ప్రస్తుతం భారత్‌లో పలు నగరాల్లో సందడి చేస్తున్నారు. నాలుగు రోజుల క్రితం ముంబైలో (Mumbai) మొట్ట మొదటి యాపిల్ స్టోర్‌ను (Apple Store) కుక్ ప్రారంభించిన సంగతి తెలిసిందే. స్వయంగా తలుపులు తెరిచి ఆయన కస్టమర్లను స్టోర్‌లోకి అనుమతించారు. అనంతరం ముంబైలోని భారత వ్యాపార దిగ్గజం ముఖేష్ అంబానీ (Mukesh Ambani) ఇంటికి వెళ్లారు.
తాజాగా రెండో యాపిల్ స్టోర్‌ను టిమ్ కుక్ ఢిల్లీలో (Delhi) ఓపెన్ చేశారు. అనంతరం అరుణ్ జైట్లీ స్టేడియంలో జరిగిన ఐపీఎల్ (IPL 2023) మ్యాచ్‌కు హాజరయ్యారు. గురువారం రాత్రి జరిగిన మ్యాచ్‌లో ఢిల్లీ క్యాపిటల్స్, కోల్‌కతా నైట్ రైడర్స్ (KKRvsDC ) జట్లు తలపడిన సంగతి తెలిసిందే. ఈ మ్యాచ్‌ను టిమ్ కుక్ ప్రత్యక్షంగా వీక్షించారు. టిమ్ కుక్‌తో పాటు బాలీవులడ్ నటి సోనమ్ కపూర్ (Sonam Kapoor), బీసీసీఐ అధికారి రాజీవ్ శుక్లా ఉన్నారు. యాపిల్ సీఈవోను స్టేడియంలో చూసి క్రికెట్ ప్రేమికులు ఆశ్చర్యానికి గురయ్యారు.
Sachin with Lara: దిగ్గజ ఆటగాళ్ల కలయిక.. పాత జ్ఞాపకాలను నెమరువేసుకుంటున్న అభిమానులు!
గతంలో 2016లో కూడా టిమ్ కుక్ భారత పర్యటనకు విచ్చేశారు. అప్పుడు కూడా ఐపీఎల్ మ్యాచ్‌కు హాజరయ్యారు. కాన్పూర్‌లో జరిగిన మ్యాచ్‌ను స్వయంగా వీక్షించారు. మైదానంలోకి వచ్చి ప్రేక్షకులకు అభివాదం చేసి మాట్లాడారు. మళ్లీ ఇన్నాళ్లకు టిమ్ కుక్ ఐపీఎల్ మ్యాచ్‌ను నేరుగా వీక్షించారు.
Updated Date - 2023-04-21T08:25:36+05:30 IST