Dinesh Karthik: సారీ ధోనీ అంటూ కార్తీక్‌పై భారీగా ట్రోలింగ్.. ఆ బాల్ కనుక పట్టి ఉంటే..
ABN, First Publish Date - 2023-04-11T13:57:18+05:30
సోమవారం సాయంత్రం బెంగళూరు రాయల్ ఛాలెంజర్స్, లఖ్‌నవూ సూపర్ జెయింట్స్ మధ్య జరిగిన మ్యాచ్ ఎంతో ఉత్కంఠగా సాగింది.
సోమవారం సాయంత్రం బెంగళూరు రాయల్ ఛాలెంజర్స్ (RCB), లఖ్‌నవూ సూపర్ జెయింట్స్ (LSG) మధ్య జరిగిన మ్యాచ్ ఎంతో ఉత్కంఠగా సాగింది. ఆ మ్యాచ్‌లో చివరి బంతికి తమ జట్టు ఓడిపోవడాన్ని బెంగళూరు అభిమానులు (RCB Fans) జీర్ణించుకోలేకపోతున్నారు. చివరి బంతి బ్యాట్‌కు తగలకపోయినా అవేశ్ ఖాన్ రన్ తీశాడు. ఆ బంతిని వికెట్ కీపర్ దినేష్ కార్తీక్ (Dinesh Karthik) అందుకోలేకపోయాడు. ఆ బంతిని కార్తీక్ అందుకుని రనౌట్ చేసి ఉంటే ఫలితం వేరేలా ఉండేది. కానీ, కార్తీక్ ఆ పని చేయలేకపోయాడు.
ఇదే తరహా పరిస్థితి గతంలో ఇండియా, బంగ్లాదేశ్ మ్యాచ్ సమయంలో ఎదురైంది. చివరి బంతికి రెండు పరుగులు చేస్తే బంగ్లా జట్టు విజయం సాధిస్తుంది. బౌలర్ వేసిన బంతిని బంగ్లా బ్యాట్స్‌మెన్ టచ్ చేయలేకపోయాడు. అయినా పరుగు ప్రారంభించాడు. అప్పుడు కీపర్ అయిన ధోనీ (MS Dhoni) వెంటనే స్పందించి పరిగెత్తుకుంటూ వచ్చి రనౌట్ చేశాడు. దీంతో ఆ మ్యాచ్‌లో భారత్ గెలిచింది. తాజాగా జరిగిన మ్యాచ్‌లో దినేష్ ఆ పని చేయలేకపోయాడు.
IPL 2023: కోహ్లీ వెర్సస్ గంభీర్.. మ్యాచ్ అనంతరం గంభీర్ ఓవరాక్షన్.. కోహ్లీతో కరచాలనం చేసేటపుడు..
కార్తీక్‌పై సోషల్ మీడియాలో భారీగా ట్రోలింగ్ జరుగుతోంది (Twitter trolls Dinesh Karthik). ``సారీ ధోనీ.. కార్తీక్‌ను నీతో పోల్చడం మా అమాయకత్వం``, ``కార్తీక్.. నువ్వు ఎప్పటికీ ధోనీ కాలేవు``, ``ఆ బాల్‌ను కార్తీక్ పట్టి ఉంటే బెంగళూరు గెలిచేద``ని నెటిజన్లు కామెంట్లు చేస్తున్నారు.
Updated Date - 2023-04-11T13:57:18+05:30 IST