IPL 2023: మ్యాచ్ జరుగుతుండగా గ్రౌండ్‌లోకి దూసుకొచ్చి కాళ్లకు మొక్కిన ఫ్యాన్.. కోహ్లీ ఎలా స్పందించాడో చూడండి..
ABN, First Publish Date - 2023-05-02T09:41:54+05:30
ఐపీఎల్‌లో భాగంగా సోమవారం లఖ్‌నవూ సూపర్ జెయింట్స్, రాయల్ చాలెంజర్స్ బెంగళూరు మధ్య జరిగిన మ్యాచ్ రసవత్తరంగా సాగింది. ఆట కంటే కూడా ఇతర విషయాలు బాగా హైలెట్ అయ్యాయి. ఆటగాళ్ల మధ్య గొడవలు, కవ్వింపుల మధ్య మ్యాచ్ థ్రిల్లింగ్‌గా సాగింది.
ఐపీఎల్‌లో (IPL 2023) భాగంగా సోమవారం లఖ్‌నవూ సూపర్ జెయింట్స్ (LSG), రాయల్ చాలెంజర్స్ బెంగళూరు (RCB) మధ్య జరిగిన మ్యాచ్ రసవత్తరంగా సాగింది. ఆట కంటే కూడా ఇతర విషయాలు బాగా హైలెట్ అయ్యాయి. ఆటగాళ్ల మధ్య గొడవలు, కవ్వింపుల మధ్య మ్యాచ్ థ్రిల్లింగ్‌గా సాగింది. ఇవి కాకుండా ఈ మ్యాచ్‌లోనే మరో ఆసక్తికర ఘటన చోటు చేసుకుంది. మైదానంలో ఆట జరగుతుండగానే ఓ అభిమాని (FAN)సెక్యూరిటీ సిబ్బంది, పోలీసుల కళ్లు గప్పి గ్యాలరీ నుంచి మైదానంలోకి దూసుకొచ్చాడు.
బౌండరీ లైన్ దగ్గర ఫీల్డింగ్ చేస్తున్న స్టార్ క్రికెటర్ విరాట్ కోహ్లీ (Virat Kohli) వద్దకు వెళ్లాడు. విరాట్ కోహ్లీ ఎదురుగా మోకాళ్లపై కూర్చుని దండం పెట్టాడు. కోహ్లీ కాళ్లు మొక్కి తన అభిమానాన్ని ప్రదర్శించాడు. అయితే కోహ్లీ కాస్త కూల్‌గా వ్యవహరించాడు. ఆ అభిమానిని పైకి లేపి కౌగిలించుకున్న కోహ్లీ ఆ తర్వాత అతడితో కలిసి ఫొటోకు ఫోజిచ్చాడు (Kohli hugs Fan). అనంతరం బయటకు వెళ్లాలని సూచించాడు. దీంతో ఆ అభిమాని బౌండరీ బయటకు వచ్చి సంతోషంగా చిందులేశాడు.
Virat Kohli Out: బిష్ణోయ్ ట్రాప్‌లో చిక్కిన కోహ్లీ.. ఎలా అవుట్ అయ్యాడో చూడండి..
కోహ్లీ కౌగిలించుకున్నాడనే సంతోషంలో ఆ వ్యక్తి డ్యాన్స్ చేస్తూ నేరుగా పోలీసుల వద్దకు వెళ్లి లొంగిపాయాడు. ఈ ఘటనకు సంబంధించిన వీడియో ప్రస్తుతం సోషల్ మీడియాలో వైరల్‌గా (Viral Video) మారింది. అభిమాని పట్ల కోహ్లీ ప్రవర్తించిన తీరుపై సోషల్ మీడియాలో ప్రశంసలు కురుస్తున్నాయి.
Updated Date - 2023-05-02T09:41:54+05:30 IST