Vivo V27 Pro: లాంచింగ్‌కు మూడు రోజుల ముందు ధర లీక్!
ABN, First Publish Date - 2023-02-25T21:09:19+05:30
చైనీస్ మొబైల్ మేకర్ వివో(Vivo) నుంచి వి-సిరీస్ పోర్ట్‌ఫోలియోలో మరో అద్భుతమైన ఫోన్ వచ్చేస్తోంది. ‘వివో వి27 ప్రొ’(Vivo V27 Pro) పేరుతో
న్యూఢిల్లీ: చైనీస్ మొబైల్ మేకర్ వివో(Vivo) నుంచి వి-సిరీస్ పోర్ట్‌ఫోలియోలో మరో అద్భుతమైన ఫోన్ వచ్చేస్తోంది. ‘వివో వి27 ప్రొ’(Vivo V27 Pro) పేరుతో మార్చి 1 భారత మార్కెట్లో లాంచ్ కాబోతోంది. ఈ ఫ్లాగ్‌షిప్ ఫోన్‌కు సంబంధించి డిజైన్, ముఖ్యమైన ఫీచర్లు వంటి వాటిని కంపెనీ తన అధికారిక వెబ్‌సైట్‌లో టీజ్ చేసింది. ఫ్లిప్‌కార్ట్ కూడా వివరాలు వెల్లడించింది. వివో వి25 ప్రొకు సక్సెసర్‌గా వస్తున్న ఈ ఫోన్ ధర ఇప్పుడు లీకైంది.
‘91 ఎరేనా’(91arena) ప్రకారం.. వివో వి27 ప్రొ(Vivo V27 Pro) ఇండియాలో మూడు వేరియంట్లలో అందుబాటులోకి రానుంది. 8జీబీ ర్యామ్+128 జీబీ స్టోరేజీ, 8జీబీ ర్యామ్ +256 జీబీ స్టోరేజీ, 12జీబీ ర్యామ్+256 జీబీ స్టోరేజీతో వస్తోంది. ఇందులోని బేస్ మోడల్ అయిన 8జీబీ ర్యామ్+128 జీబీ ర్యామ్ వేరియంట్ ధర రూ. 37,999 ఉండే అవకాశం ఉంది. అలాగే, 8జీబీ ర్యామ్/256 జీబీ స్టోరేజీ మోడల్ ధర రూ. 39,999, టాప్ ఎండ్ మోడల్ అయిన 12జీబీ ర్యామ్/256 జీబీ స్టోరేజీ ధర రూ. 42,999 ఉండే అవకాశం ఉందని తెలుస్తోంది.
ఫ్లిప్‌కార్ట్‌లో వివో ల్యాండింగ్ పేజ్ ప్రకారం.. వివో వి27 ప్రొ(Vivo V27 Pro) 3డీ కర్వడ్ డిస్‌ప్లే, అల్ట్రా స్లిమ్ డిజైన్, 7.4 మందం, 120Hz రీఫ్రెష్ రేట్‌తో వస్తోంది. వెనకవైపు 50 ఎంపీ ప్రధాన సెన్సార్‌తో మూడు కెమెరాలు, కలర్ చేంజింగ్ గ్లాస్, రింగ్ ఎల్‌ఈడీ ఫ్లాష్‌ వంటివి ఉన్నాయి. వివో వి27 ప్రొ రెండు కలర్ వేరియంట్లు.. మేజిక్ బ్లూ, నోబుల్ బ్లాక్‌తో వస్తోంది.
Updated Date - 2023-02-25T21:09:20+05:30 IST