National Youth Day: స్వామి వివేకానంద స్ఫూర్తిని చాటేలా ప్రత్యేక కార్యక్రమాలు
ABN, First Publish Date - 2023-01-06T21:57:48+05:30
జాతీయ యువజన దినోత్సవాలకు(National Youth Day) రామకృష్ణ మఠం(Hyderabad Ramakrishna Math)లో ఏర్పాట్లు ఘనంగా జరుగుతున్నాయి.
హైదరాబాద్: స్వామి వివేకానంద (Swami Vivekananda) జయంతి సందర్భంగా నిర్వహించే జాతీయ యువజన దినోత్సవాలకు(National Youth Day) రామకృష్ణ మఠం(Hyderabad Ramakrishna Math)లో ఏర్పాట్లు ఘనంగా జరుగుతున్నాయి. ఈ నెల 11, 12 తేదీల్లో వివేకానంద ఇన్‌స్టిట్యూట్ ఆఫ్ హ్యూమన్ ఎక్సలెన్స్ ఆధ్వర్యంలో ప్రత్యేక కార్యక్రమాలు నిర్వహించనున్నామని రామకృష్ణ మఠం అధ్యక్షులు స్వామి బోధమయానంద(Swami Bodhamayananda) తెలిపారు. సుప్రీంకోర్ట్ మాజీ న్యాయమూర్తి ఎల్. నాగేశ్వరరావు, బ్యాడ్మింటన్ దిగ్గజం పుల్లెల గోపీచంద్, కాంటినెంటల్ ఆసుపత్రి గురునాథ్ రెడ్డి, వైస్ అడ్మిరల్ బిశ్వజిత్ దాస్ గుప్తా తదితరులు ప్రసంగించనున్నారు. ఈ నెల 12న జాతీయ యువజన దినోత్సవం సందర్భంగా ట్యాంక్‌బండ్‌పై ఉన్న స్వామి వివేకానంద విగ్రహానికి ఉదయం 8 గంటలకు పూలమాలలు వేసి అనంతరం రామకృష్ణ మఠం వరకూ ర్యాలీ నిర్వహిస్తారు. ర్యాలీలో రామకృష్ణ మఠం స్వాములు, వాలంటీర్లు, విద్యార్ధులు పాల్గొంటారు.
Updated Date - 2023-01-06T21:57:59+05:30 IST