Thirunagari Jyothsna: తెలంగాణలో టీడీపీ చారిత్రక అవసరం: తిరునగరి జ్యోత్స్న
ABN, First Publish Date - 2023-03-29T17:58:39+05:30
తెలంగాణలో తెలుగుదేశం పార్టీ ఎక్కడుందన్న వారికి చెంపపెట్టు ఈ ఆవిర్భావ సభ అని టీడీపీ జాతీయ అధికార ప్రతినిధి తిరునగరి జ్యోత్స్న అన్నారు.
హైదరాబాద్: తెలంగాణలో తెలుగుదేశం పార్టీ ఎక్కడుందన్న వారికి చెంపపెట్టు ఈ ఆవిర్భావ సభ అని టీడీపీ జాతీయ అధికార ప్రతినిధి తిరునగరి జ్యోత్స్న అన్నారు. ఇటీవల ఖమ్మం ఖమ్మం సభతో తెలుగుదేశం సత్తా ఏంటో చూపించాం.. తెలంగాణలో తెలుగుదేశం పార్టీ దూసుకొస్తున్నది కాచుకోండి అంటూ జ్యోత్స్న సవాల్ విసిరారు. పదవులు, అధికారం కోసం కాదు.. ప్రజలకోసం వస్తున్నాం. రాబోయే ఎన్నికల్లో తెలంగాణలో తెలుగుదేశం పార్టీ బ్రహ్మాండమైన ఫలితాలు సాధిస్తుందని ఆమె ధీమా వ్యక్త చేశారు.
టీడీపీ తెలంగాణలో ఉండడం చారిత్రాత్మక అవసరం అని ఆమె అన్నారు. ఎక్కడ తెలుగువాడు ఉంటే అక్కడ తెలుగు దేశం పార్టీ ఉంటుందని..పేదల అభ్యున్నతే టీడీపీ శ్రేణుల లక్ష్యమని తిరునగరి జ్యోత్స్న స్పష్టం చేశారు. ప్రజలే దేవుళ్లు..సమాజమే దేవాలయం అనే సిద్ధాంతంతో ముందుకెళుతున్న పార్టీ టీడీపీ అని అమె వ్యాఖ్యానించారు. రాబోయే రోజుల్లో రెండు రాష్ట్రాల్లో టీడీపీ నిర్ణయాత్మక ప్రభావం చూపుతుందన్నారు.
Updated Date - 2023-03-29T18:05:41+05:30 IST