Kasani Gnaneshwar: కుప్పంలో చంద్రబాబును అడ్డుకోవడం హేయమైన చర్య..
ABN, First Publish Date - 2023-01-10T16:47:04+05:30
నిజామాబాద్‌లో బహిరంగ సభకు తెలంగాణ తెలుగుదేశం పార్టీ సిద్ధమవుతోందని, సభ నిర్వహణ తేదీని త్వరలో ప్రకటిస్తామని టీటీడీపీ అధ్యక్షుడు కాసాని జ్ఞానేశ్వర్ అన్నారు.
ఎన్టీఆర్ ట్రస్టు భవన్ (హైదరాబాద్): నిజామాబాద్‌ (Nizamabad)లో బహిరంగ సభకు తెలంగాణ తెలుగుదేశం పార్టీ (TTDP) సిద్ధమవుతోందని, సభ నిర్వహణ తేదీని త్వరలో ప్రకటిస్తామని టీటీడీపీ అధ్యక్షుడు కాసాని జ్ఞానేశ్వర్ (Kasani Gnaneshwar) అన్నారు. మంగళవారం ఆయన ఎన్టీఆర్ ట్రస్టు భవన్ (NTR Trust Bhavan)లో దశ మహా విద్యాపూర్వక నవ చండీయాగం (Dasha Maha Vidyapurvaka Nava Chandi Yagam) నిర్వహించారు. అనంతరం కాసాని మీడియాతో మాట్లాడుతూ కుప్పంలో చంద్రబాబు (Chandrababu)ను అడ్డుకోవడం హేయమైన చర్యని, ప్రతిపక్ష నేత పట్ల ఏపీ ప్రభుత్వం (AP Govt.)వ్యవహరిస్తున్న తీరును ఖండిస్తున్నామన్నారు. ఇంటింటికి తెలుగుదేశం కార్యక్రమానికి శ్రీకారం చుట్టబోతున్నామని, బస్సు యాత్ర (Bus Yatra) ద్వారా ప్రజల్లోకి వెళ్ళి.. ఎన్నికలకు సిద్ధమవుతామని కాసాని జ్ఞానేశ్వర్ స్పష్టం చేశారు.
Updated Date - 2023-01-10T16:47:07+05:30 IST