ఢిల్లీ గణతంత్ర వేడుకలకు పెదతాడేపల్లి బ్యాండ్‌ ట్రూప్‌
ABN, Publish Date - Jan 18 , 2024 | 11:36 PM
ఢిల్లీలో నిర్వహించే ముందస్తు గణతంత్ర వేడుకల్లో పాల్గొనేం దుకు పెదతాడేపల్లి డాక్టర్‌ బీఆర్‌ అంబేడ్కర్‌ గురుకుల పాఠశాల విద్యార్థులు గురువారం విమానంలో ఢిల్లీ బయల్ధేరినట్టు ప్రిన్సిపాల్‌ బి.రాజారావు తెలిపారు.
తాడేపల్లిగూడెం రూరల్‌, జనవరి 18 : ఢిల్లీలో నిర్వహించే ముందస్తు గణతంత్ర వేడుకల్లో పాల్గొనేం దుకు పెదతాడేపల్లి డాక్టర్‌ బీఆర్‌ అంబేడ్కర్‌ గురుకుల పాఠశాల విద్యార్థులు గురువారం విమానంలో ఢిల్లీ బయల్ధేరినట్టు ప్రిన్సిపాల్‌ బి.రాజారావు తెలిపారు. ఢిల్లీలో ఈనెల 21, 22 తేదీల్లో ధ్యాన్‌చంద్‌ స్టేడియంలో నిర్వహించే స్కూల్‌ బ్యాండ్‌ కాంపిటేషన్‌లో సౌత్‌జోన్‌ తరపున పాల్గొంటాని వివరించారు. దేశ రక్షణ, విద్యాశాఖల ఆధ్వర్యంలో దేశ నలుమూలల నుంచి 16 బ్యాండ్‌ టీమ్‌లు పాల్గొంటున్నాయన్నారు. విద్యార్థులకు విమాన టికెట్‌లు ఏర్పాటు చేసిన కేంద్ర, రాష్ట్ర ప్రభుత్వాల బాధ్యులకు ప్రిన్సిపాల్‌ కృతజ్ఞతలు తెలిపారు.
Updated Date - Jan 25 , 2024 | 05:14 PM
